Ukrayina Mudafaa nazirliginiñ Baş İstihbarat İdaresiniñ «Prımarı» mahsus bölüginiñ dron operatorları, keçken ay devamında, işğal etilgen Qırımda eñ az 17 RF arbiy obyektine zarar ketirdiler: Rusiye radiolokatsiya stantsiyaları (RLS), radioelektron küreş (REB) vastaları, ava mudafaasınıñ (AMS) diger elementleri, idare noqtası, alâqa antennaları, naqliyat ve deñiz maqsatları.
Ukrayina Mudafaa nazirliginiñ Baş İstihbarat İdaresi zarar ketirüv videosını YouTubede neşir etti.
«Adım-adım Ukrayina Mudafaa nazirliginiñ Baş İstihbarat İdaresiniñ "Prımarı" mahsus bölüginiñ operatorları, vaqtınca işğal etilgen Qırımdaki Rusiye arbiy bar olmasınıñ tayanmalarını — nezaret ve idare vastalarından logistikağa, naqliyat ve deñiz komponentine qadar — yoq eteler», — dep qayd etildi haberde.
Ukrayina Mudafaa nazirliginiñ Baş İstihbarat İdaresiniñ malümatına köre, Qırımda keçken ay devamında «Prımarı» mahsus bölüginiñ dron operatorları aşağıdakilerge zarar ketirdiler:
- «Baltika-B» BRLS;
- «Neva» BRLS;
- «Pole-21» REB;
- «Strila-10» ZRK;
- 503-nci motoatıcı polkunıñ idare noqtası;
- 4 alâqa antennası;
- «Geran»/«Gerbera» türlü UUA içün 2 yañıdan yayınıcı;
- yük maşnası;
- «Ural» VAT;
- reyd kateri;
- 05060 leyhalı desant-ücüm kateri;
- «Mriya» avtomobil paromı;
- «Kasta-2E2» RLS.
Hatırlatamız ki, arman ayınıñ 24-ne keçer gecesi Ukrayina Silâlı Quvetleriniñ İnsansız sistemalar quvetleri işğal etilgen Qırımnıñ Rozdolne meskün yerindeki ST-68 radiolokatsiya stantsiyası kompleksine zarar ketirdi. Bundan ğayrı, Rusiye kölge flotınıñ Qara deñizdeki tanker ve balkerine ücüm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
