Arman ayınıñ 24-ne keçer gecesi uydular işğal etilgen Qırımnıñ Canköy şeerindeki «Canköy» arbiy ava limanında ve Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ «Ğarbiy-Qırım» elektrik ast stantsiyasında yanğınlarnı qayd etti. RF Mudafaa nazirligi yarımada üzerinde dronlarnıñ urıp tüşürilgenini bildirdi.
Rusiye mudafaa nazirliginiñ malümatına köre, gece devamında ava mudafaası Rusiye, em de Qırım, Azaq ve Qara deñizleri üzerinde 351 dronnı yoq etti.
Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) «gubernatorı» gece devamında şeerde saat 01:35-den 03:06-ğa qadar ava telükesini ilân etti. Bundan ğayrı, işğalli Qırım FVNFevqulâde vaziyetler nazirligi MAX Rusiye devlet qullanımı vastasınen arman ayınıñ 23-nde saat 22:07-den arman ayınıñ 24-nde saat 07:37-ge qadar dron telükesini ilân etti.
Yevpatoriya (Kezlev) rayonında, Saqı yanındaki Karyerne köyü civarında, 330/110 kV «Ğarbiy-Qırım» AS elektrik ast stantsiyasında yanğın oldı, dep bildirdi «Qırım yeli» nezaret Telegram kanalı, uydularnıñ malümatına esaslanıp.
Kanalnıñ malümatına köre, bu, Qırımnıñ tranzit energetika noqtasına kirgen esas qavuşaq ast stantsiyasıdır ve bölgeniñ orta ve ğarbiy qısımlarınıñ ast stantsiyaları ve tüketicileri arasında quvet aqımını temin ete. Onıñ vastasınen yarımadanıñ energiya qavuşaqlarını birleştirgen, uzunlığı 92 km olğan 330 kV «Ğarbiy-Qırım — Sevastopol» yuksek voltlı hatı keçe.
Bundan ğayrı, uydular «Canköy» arbiy ava limanındaki uçaqlar toqtav yerinde yanğınnı qayd ete.
Şeni de, Feodosiyada (Kefede) ve Kaygador (evelki Orconikidze) köyünde dört patlav eşitildi. Evelki malümatlarğa köre, Feodosiya (Kefe) yanındaki Töpe Oba dağındaki radiolokatsiya bölüginiñ mevamlarına urulğan. Bundan soñ yanğın çıqtı, dep añlattı kanalnıñ şaatı.
Evel Ukrayina Silâlı Quvetleriniñ İnsansız Sistemalar quvetleriniñ komandanı Robert «Madâr» Brovdi bildirgen edi ki, arman ayınıñ 23-nde üç radiolokatsiya stantsiyasına — Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda), Yevpatoriyada (Kezlevde) ve Uyutne köyünde (Kezlev rayonı) — zarar ketirildi. Bundan ğayrı, onıñ malümatına köre, arman ayında ukrayin dronları Rusiye kölge flotınıñ 36 yaldağan vastasına zarar ketirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
