İşğal etilgen Qırımda Foros meskünn yeriniñ 59 yaşındaki sakinini tuttılar, onı Rusiye sıñırcıları aqqında malümatnı ukrayin tarafına bergeninde qabaatlaylar. Oña qarşı «casuslıq» maddesine binaen cinaiy dava açıldı. Adam 20 senege qadar apis cezasına mahküm etile bilir.
RİA «Novosti Krım» Rusiye teşviqiy haber agentligi, RF FSBniñ İctimaiy alâqalar merkezine atıf etip, bunı bildirdi.
Rusiye quvetçileriniñ malümatına köre, adam öz başına Ukrayina Sıñır Hızmetinen alâqağa kirdi ve RF sıñır hızmeti obyektleriniñ yerleşkeni aqqında malümat berdi. FSBniñ bldirgenine köre, bu, Rusiyege ücümler yapmaq içün qullanıla bilir edi.
Hızmet qayd etti ki, 2014 senesinden soñ Ukrayinada hızmet etmege ketken evelki hızmetdeşi adamnı işdeşlikke celp etti.
«Dostane duyğulardan faydalanıp, Qırım sakinini Ukrayina ile soñ işdeşlikke celp etti», — dep añlattı Rusiye operativ hadimi.
Şimdi Qırım sakini apiste buluna.
Hatırlatamız ki, uquq qorçalayıcılarnıñ malümatına köre, soñki yıl devamında Rusiye qanunnamesiniñ «aşırıcılıq» ve «terrorizmni aqlav» maddeleri boyunca açılğan cinaiy davalarnıñ sayısı arttı. Iradeniñ nezaret esabatında qayd etildi ki, böyle taqiplerniñ sebebi atta Ukrayinanı qol tutucı çıqışları da ola bile. «Tribunal. Qırım epizodı» teşebbüsi qayd etti ki, 2025 senesi yazından berli böyle davalarnıñ sayısı tahminen dört qat arttı.
Hatırlatamız ki, uquq qorçalayıcılarnıñ malümatına köre, soñki yıl devamında Rusiye qanunnamesiniñ «aşırıcılıq» ve «terrorizmni aqlav» maddeleri boyunca açılğan cinaiy davalarnıñ sayısı arttı. Irade nezaret esabatında qayd etildi ki, böyle taqiplerniñ sebebi atta Ukrayinanı qol tutucı çıqışları da ola bile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
