2026 senesi arman ayınıñ 19-na keçer gecesi Ukrayina Mudafaa Quvetleriniñ bölükleri, vaqtınca işğal etilgen ukrayin Qırımınıñ Olenivka meskün yerinde «Geran»/«Gerbera» türlü ücüm etici UUAuçucısız uçaq aletlerilerini idare etmek içün topraq üsündeki yañıdan yayınıcığa zarar ketirdi.
Arman ayınıñ 19-nda Ukrayina Silâlı Quvetleriniñ Baş Ştabı Facebookta bunı bildirdi.
«Duşmannıñ esas arbiy maqsatları üzerinde iş devam ete», — dep malümat berdi Baş Ştab.
İşğal etilgen Qırımnıñ Olenivka köyü Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında yerleşe.
«Gerbera» — Rusiye askerleri tarafından Ukrayinağa qarşı qullanılğan Rusiye uçucısız uçaq aletidir. Onı, İran «Shahed-136» kamikadze dronınıñ sadeleştirilgen variantı olaraq tanıylay, RFda bu dron «Geran-2» olaraq yañıdan adlandırıldı.
Bundan ğayrı, USQniñ Baş Ştabınıñ malümatına köre, Luğansk vilâyetiniñ Kadiyivka meskün yerinde madde-tehnik teminat anbarı ve Luğansk vilâyetiniñ Lısıçansk şeerinde ruslarnıñ silâ ve arbiy tehnikası rayonı, Herson vilâyetiniñ Verhniy Roğaçık rayonında UUAni idare etüv noqtası, Donetsk vilâyetiniñ Novopetrikivka ve Novotroyitske rayonlarında ve Luğansk vilâyetiniñ Lobaçeve rayonında üç UUA anbarı, bundna ğayrı Zaporijjâ vilâyetiniñ Moloçansk rayonında Moloçna özeninden avtomobil köprü ücüm etildi.
Evel Ukrayina Silâlı Quvetleriniñ Baş Ştabı bildirdi ki, arman ayınıñ 17-ne keçer gecesi Ğvardiyske yanında yanğın çıqtı, Novofedorivkadaki «Orion» türlü dronlarnı idare etici stantsiya ve Olenivkadaki «Geran»/«Gerbera» türlü UUAleri içün yañıdan yayınıcı zarar kördi.
Hatırlatamız ki, arman ayınıñ 16-nda USQniñ ADQArbiy-Deñiz quvetleri Qırımdaki «Bastion» rusiye yalı raketa kompleksiniñ uçuruv mevamları ve bulunğan yerine ücüm etti. Aynı şu künü UMQUkrayina Mudafaa quvetleri Rezervne meskün yerindeki raketa bölüginiñ bulunğan rayonına ücüm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
