İşğalli «taqiqatçılar» Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ 18 yaşındaki sakinine qarşı sözde «terrorizmni açıqtan aqlağanıRF CQniñ 205.2-nci maddesiniñ 2-nci qısmı, 354.1-nci maddesi ve natsizmni reabilitatsiya etkeni» içün «mahkeme»ge qabaatlayıcı aktnı yolladılar. Olarnıñ aytqanlarına köre, o, internette olarnıñ cinaiy taqip içün esas olğanını sayğanları bildirüvni yazdı. Onı tuttılar.
Arman ayınıñ 19-nda işğalli «Qırım ve Sevastopol taqiqat eyyeti» bunı bildirdi.
«Yigit, teşkilâtnıñ terrorcı olaraq tanılğanı aqqında mahkeme qararını bilip, açıq alanda onıñ fikirlerini teşviq etti. Şu cümleden, belli bir messencerniñ gruppalarından birinde yaş adam, bu terrorcı teşkilâtnıñ faaliyetini maqtağan ve onıñ faaliyetini aqlağan bildirüv yerleştirdi. Bundan ğayrı, davanıñ subyektine, Ekinci Cian cenki devri sırasında Avropa köçer memleketleriniñ baş cenk cinayetçilerini mahkeme etmek ve cezalandırmaq içün teşkil etilgen Halqara Arbiy Tribunalnıñ qararında belgilengen cinayetlerni aqlağanı, em de Ekinci Cian cenki devri sırasında ŞSCB faaliyeti ve Büyük Vatanperverlik cenki veteranları aqqında bile turıp sahte malümatnı ictimaiy ağlarda tarqataraq, natsizmni bir qaç kere reabilitatsiya etkeni içün qabaatlana», — dep qayd etildi haberde.
Şimdi işğalciler yigitni qanunsız şekilde tutalar. Haberde, internette qaysı bildirüvlerniñ tam olaraq işğalli «quvetçiler»niñ diqqatını celp etkeni açıqlanmay. O, 7 senege qadar apis cezasına mahküm etile bilir.
ForPost işğalli matbuat vastası qanunsız tutulğanınıñ videosını derc etti, anda «quvetçiler» onı sorğuğa çekeler. Olarnıñ aytqanlarına köre, Sevastopollı Ukrayina kontrolindeki topraqqa ketip, «Rusiye göñülli korpusı2022 senesi arman ayında Rusiyeden kelgenlerden teşkil etilgen, Kreml rejimine qarşı Ukrayina tarafında cenkleşken arbiy birleşme. Korpus, Ukrayina Mudafaa nazirliginiñ Baş İstihbarat İdaresi terkibine kire.»na qoşulacaq edi. Bundan ğayrı, qayd etile ki, onıñ ukrayin doğma şeadetnamesi bar. Videoda qayd etilgen yazışmada körmek mümkün ki, oğlanğa orta küz ayınıñ 1-ne işğalli Rusiye ordusına çağıruvname berildi.
Hatırlatamız ki, uquq qorçalayıcılarnıñ malümatına köre, soñki yıl devamında Rusiye qanunnamesiniñ «aşırıcılıq» ve «terrorizmni aqlav» maddeleri boyunca açılğan cinaiy davalarnıñ sayısı arttı. Irade nezaret esabatında qayd etildi ki, böyle taqiplerniñ sebebi atta Ukrayinanı qol tutucı çıqışları da ola bile.
«Tribunal. Qırım epizodı» teşebbüsi qayd etti ki, 2025 senesi yazından berli böyle davalarnıñ sayısı tahminen dört qat arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
