Bu gece Qırımda patlavlar oldı, bölgeniñ cenübinde yañıdan elektrik kesildi

İşğal etilgen Qırımda arman ayınıñ 19-na keçer gecesi Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda), Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte), Yaltada ve Saqta Rusiye ava mudafaası çalıştı. Saq SEMSıcaqlıq elektrik merkezi, Sevastopol (Aqyar) mobil gaz-turbin elektrik stantsiyası ve Gurzuftaki elektrik ast stantsiyası rayonında patlavlar eşitildi. Yarımadanıñ cenübinde ekinci kün art-arda qara şeklinde elektrik kesilüvleri qayd etile.

Sevastopolnıñ (Aqyarnıñ) «gubernatorı» Mihail Razvojayev gece devamında eki kere ava telükesini ilân etti: saat 00:07-den 01:46-ğa qadar ve saat 02:41-den 04:16-ğa qadar. İşğalli Qırım FVNFevqulâde vaziyetler nazirliginiñ malümatına köre, yarımadada oraq ayınıñ 18-nde saat 21:07-den başlap şimdiki vaqıtqa qadar dron telükesi devam ete.

Razvojayevniñ aytqanına köre, Rusiye AMS Sevastopol (Aqyar) üzerinde 19 dronnı yoq etti.

İşğalli «Krımenergo» şirketiniñ MAX Rusiye devlet qullanımında bildirgenine köre, Qırımnıñ cenübiy energetika rayonı «Ukrayina Silâlı Quvetleriniñ ücümi» sebebinden elektriksiz qaldı. Qaza-tamir işleri devam ete.

«Elektrik teminatınen qıyın vaziyet Qırımnıñ Şimaliy-Ğarbında ve Şarqında devam ete. Qırım Cumhuriyetiniñ bütün toprağında elektrik teminatı sıñırlandırılğan. Kesilüvler energetika rayonlarındaki vaziyetke köre tez şekilde yapıla», — dep qayd etildi haberde.

Aynı zamanda şaatlar «Qırım yeli» nezaret Telegram kanalına añlattılar ki, saat 03:20-den başlap Yaltada dronlarnıñ uçuşı ve ateş sesleri eşitilgen. Patlavlar saat 03:32-de, 03:38-de, 04:37-de ve 04:56-da duyuldı.

Saat 04:27-de Yalta rayonınıñ Gurzuf şeerinde eki qattı patlav duyuldı — evelki malümatlarğa köre, elektrik ast stantsiyası ücüm etildi.

«Elektrik ast stantsiyası yerleşkeni Darsan töpesinde yanğın çıqtı, tek anda degil», — dep qayd etildi haberde.

Bundan ğayrı, yerli sakinler «Qırım yeli»ne añlattılar ki, Saq SEM ve Sevastopol (Aqyar) mobil gaz-turbin elektrik stantsiyası rayonında da patlavlar eşitildi.

Arman ayınıñ 18-ne keçer gecesi işğal etilgen Sevastopol (Aqyar) ve Qırımnıñ Cenübiy yalısı uçucısız uçaq aletleriniñ ücümlerine oğradı. Qırımtatar Milliy Meclisiniñ Reisi Refat Çubarov bildirdi ki, soñki vaqıtları yarımadağa ücümlerniñ hususiyeti deñişti — esas maqsatlar arasında Rusiye işğalcileriniñ energetik ve logistik astyapı obyektleri bar.

Evel Ukrayina Silâlı quvetleriniñ Baş ştabı bildirdi ki, oraq ayınıñ 17-ne keçer gecesi Ğvardiyske yanında yanğın çıqqanı, Novofedorivkadaki «Orion» türlü dronlarnı idare etici stantsiya ve Olenivkadaki «Geran»/«Gerbera» türlü UUAleri içün yañıdan yayınıcı zarar kördi.

Hatırlatamız ki, oraq ayınıñ 16-nda USQniñ ADQArbiy-Deñiz quvetleri Qırımdaki «Bastion» rusiye yalı raketa kompleksiniñ başlanğıç mevamları ve bulunğan yerine ücüm etti. Aynı şu künü UMQUkrayina Mudafaa quvetleri Rezervnedeki raketa bölüginiñ bulunğan rayonına ücüm etti.

Читати ще