Belli oldı ki, oraq ayınıñ 7-nde ve 16-nda işğalli quvetçiler Qırımda qırımtatarlarnıñ evlerini qanunsız olaraq tinttiler — Perekop (Or QapıRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde ve Perekop (Or Qapı) rayonında.
Arman ayınıñ 18-nde Qırımtatar Resurs Merkezi Facebookta bu aqqında haber berdi.
QRMniñ malümatına köre, birinci tintüv oraq ayınıñ 7-nde Perekop (Or Qapı) rayonınıñ Suvorove köyünde oldı — o, qırımtatarlarnıñ evinde, saipleri yoq olğanda keçirildi.
Ekinci vaqiа oraq ayınıñ 16-nda Perekop (Or Qapı) şeerinde, qırımtatarlarnıñ evinde yüz berdi. Tintüv keçirilgenden soñ ev saibiniñ oğlunı tuttılar ve saat 9:00-dan 14:00-ke qadar sorğu-sual ettiler. Sorğudan soñ onı azat ettiler.
«İşğalli quvetlerniñ böyle areketleri, vaqtınca işğal etilgen Qırım sakinlerini qorqutmaq ve qorqu atmosferasını yaratmaq maqsadını közde tuta. Sözde «terroristler»ni qıdırıp, işğalciler telefonlarnı, bank qullanmalarını ve diger qullanmalarnı teşkereler. Hususiy diqqat, Ukrayinanıñ kontrol etkeni topraqnen bağlı yazışmalarğa ve alâqalarğa ayırıla», — dep añlattı QRM.
Uquq qorçalayıcılarnıñ aytqanlarına köre, böyle yazışmalarnıñ tapılması, ilerideki taqipler, tutulmalar ve apiske alınmalar içün esas ola bile.
«Qırımtatar Resurs Merkezi, işğal etilgen Qırım sakinlerini diqqatlı olmağa ve telefonlarında işğalli quvetçiler tarafından taqip içün qullanıla bilecek malümatnı saqlamamağa çağıra. Bundan ğayrı, işğal etilgen Qırımdaki tintüv, tutuluv, sorğu ve diger insan uquqları buzulmaları vaqialarını Qırımtatar Resurs Merkezine bildirmege çağıramız», — dep qayd etti QRM.
Qırımtatar Milliy Meclisiniñ Reisi Refat Çubarov evel bildirgen edi ki, oraq ayınıñ 9-nda ve 10-nda Rusiye quvetçileri işğal etilgen Qırımnıñ şimalindeki bir qaç meskün yerde qırımtatarlarnıñ evlerinde reydler keçirdiler, yarımadanıñ cenübiy yalısında ise bir camini tinttiler ve insanlarnı tuttılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
