İşğal etilgen Qırımda arman ayınıñ 17-den 19-na qadar yüksek yanğın havfı saqlanacaq.Bu yarımadanıñ merkeziy, şarqiy ve cenübiy regionlarına aittir.
Arman ayı 16 künü Rusiye Fevlâdeler nazirliginiñ Qırımdaki işğal bölügi bu aqqında haber ete, dep RİA Novosti Qırım Rusiye teşviqat haber agentligi bu aqqında haber etti.
«Bu devirde ormanlarda, tabiiy ekosistemalarda ve yanındaki territoriyalarda açıq ateşni qullanıp, ateş yaqmaq ve yanğın havflı işler yapmaq, hususan, quru ösümliklerni ve ev qaldıqlarını qastlı sürette yaqmaq qattı yasaq etile», — dep büroda haber ettiler
Hatırlatmaq kerekmiz ki, Qırımda 2026 seneniñ turistik mevsimi bronlarnıñ sayısı eksilgeni, naqliye ile bağlı problemler ve bazı yalılarğa çıqışnıñ sıñırlanması fonunda keçe. Ukrayina Prezidentiniñ Qırım Muhtar Cumhuriyetindeki vekilligi bildire ki, iyül ayında bronlarnıñ sayısı 70% eksildi, iş adamlarına ise endi turistlerge 6 milliard rublege yaqın (3,2 milliard ğrıvnâ) para qaytarmaq kerek oldı.
Turizm biznesi, naqliye ve yalı boyunda havfsızlıq ile bağlı vaziyet aqqında «Suspilne Qırım» materialında oquñız.
