İşğal etilgen Aqyarda arman ayınıñ 15-ne keçer gecesi patlavlar oldı, şeerde ava telükesi ilân etildi. İşğalci akimiyet, uçucısız uçaqlarnıñ ücümini ve ava mudafaasınıñ ve mobil ateş gruppalarınıñ işini ilân etti.
Rusiye tarafından tayin etilgen Aqyar «gubernatorı» Mıhaylo Razvojayev bu aqqında bildirdi.
Onıñ aytqanına köre, AMS ve mobil ateş gruppaları çalışa edi, bundan ğayrı Şimaliy taraf, Balaklava ve Gagarin rayonlarında beş UUAnıñ urulması aqqında bildirdi.
Aynı vaqıtta «Qırım veter» Telegram-kanalı, şaatlarnıñ aytqanlarına esaslanıp, Balaklava rayonında üç patlav, soñra ise küçlü yanğın aqqında bildirdi. Aqmescit (Simferopol) ve Aqyarda (Sevastopol) elektrik energiyasınıñ kesilüvi aqqında da haber etilgen edi. Telekanalnıñ malümatına köre, Aqyardaki patlavlardan soñ bütün şeer ışıqsız qaldı, lâkin birazdan onı ğayrıdan tiklediler.
Şaatlar Bağçasaray rayonınıñ Beregove köyünde zıddiyet qurulışınıñ çalışqanını, Aqyarnıñ Gagarin rayonında mobil ateş gruppalarınıñ faalligini ve Pişçane köyüniñ yalısında uçaqnı urıp tüşürmek ıntıluvlarını bildirdiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
