Ukrayina Mudafaa nazirliginiñ Baş istihbarat idaresi, Rusiye tarafından vaqtınca işğal etilgen Ukrayina topraqlarından Rusiye nefti ve neft mahsulatı, şingen tabiiy gaznı ve köy hocalığı mahsulatını taşımaq içün qullanılğan 26 deñiz gemisi aqqında malümat berdi.
Bİİ Telegramda bu aqqında haber berdi.
War&Sanctions portalınıñ «Deñiz gemileri» bölüginde, Ukrayina istihbaratınıñ malümatına köre, Rusiye tarafından energiya resursları ve köy hocalığı mahsulatını taşımaq içün qullanılğan 26 gemi aqqında malümat derc etildi.
Hususan, söz Rusiye nefti ve neft mahsulatı, «Arktik LNG-2» leyhasından alınğan şingen tabiiy gaz ve Ukrayinanıñ vaqtınca işğal etilgen topraqlarından ketirilgen ububat aqqında kete.
Bİİniñ malümatına köre, qayd etilgen gemiler arasında «Lukoil», «Rosneft», «Surgutneftegaz», «Novatek», «Tatneft» ve «Gazprom» şirketleriniñ menfaatları içün Qara deñiz ve Baltiya bölgeleriniñ limanlarından Rusiye neft ve neft mahsulatlarını taşığan neft tankerleri bar.
Bundan da ğayrı, cedvelde, istihbarat malümatına köre, Berdânsk, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Keriç ve Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) limanları üzerinden Ukrayinanıñ vaqtınca işğal etilgen topraqlarından köy hocalıq mahsulatını çıqarğan quru yük taşıyıcıları da bar.
Ayrıca Bİİ, SAAM FSU (IMO 9915090) sanktsiya astında olğan yaldağan anbardan alınğan şingen tabiiy gaznı taşığan ŞTG-tankerlerni ifade ete. O, Rusiyeniñ «Arktik LNG-2» leyhasınıñ sanktsiyaları altında bulunğan ŞTGnı toplay.
Ukrayina istihbaratınıñ qayd etkenine köre, aydınlatılğan 26 gemiden 18-i Ukrayinanıñ iç bir ortaq memleketiniñ sanktsiyaları altında degil.
Olarnıñ arasında LAMAR S balkeri (IMO 9154505) bar. Bİİniñ malümatına köre, 2026 senesi o, Suriyege ketirilmesi içün vaqtınca işğal etilgen Sevastopoldaki (Aqyardaki) «Avlita» terminalında («Aval» SMMsıñırlanğan mesüliyetli müessise) bir qaç kere urluq yükley edi.
Diger gemi — NAYA FALCON (IMO 8033120) universal quru yük taşıyıcısı — 2026 senesi, istihbaratnı~ malümatına köre, Sevastopoldan (Aqyardan) aşayt sodası ve granulâtsiya etilgen boğday kepegini Mısır ve Qıbrızğa alıp ketti.
Cedvelge, Rusiyeniñ «Sovkomflotı»nen bağlı olğan BAEBirleştirilgen Arap Emirlikleri şirketiniñ Cymare Navigation FZC flotuna ait GREGAL (IMO 9378876) tankeri de kirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
