Hmelnıtskıy vilâyetinden Yuliya Krestyannıkova Ukrayinada magisrt diplomını aldı. İşğal etilgen Qırımda oquğan ekim-anesteziolog öz ihtisasını Kıyivdeki O.O. Boğomolets adına Milliy tibbiyet universitetinden tasdıqlap oldı. Bu universitet, onıñ sözlerine köre, VİETvaqtınca işğal etilgen topraqlardan diplomlarnı tasdıqlay bilgen tek universitettir. Beş yıllıq işsizlikten soñ ihtisasına köre çalışa bilmek içün o, akademik farqlılılarnı qapattı, imtianlarnı tapşırdı ve ruhiy imtianlardan keçti.
Krestyannıkovanıñ Suspilne Qırımğa añlatqanına köre, o, Ukrayinada ya da çetelde internatura yapmağa planlaştıra ve ihtisasını deñiştir bilir.
Yuliya dekanatqa öz diplomınen keldi. O, ekim-anesteziolog ola ve niayet öz magistr statusını tasdıqladı. Bundan evel onıñ tek rusiye işğalli vesiqaları bar edi, çünki o, işğal etilgen Qırımda oquğan edi.
«Men inanmayım, çünki men bunı er vaqıt biraz vaqıt keçken soñ duyarım. Men şoktam, çünki bunı beş yıl bekledim, beş yıllıq küreş. Ve şimdi elimde bu diplom bar ve men Ukrayinada, Avropanıñ er bir yerinde sadece çalışa bilem. Ve bu menim ğururlanğanım iş», — dep paylaştı qız.
Yuliya Hmelnıtskıy vilâyetinden kele. 2011 senesi o, Ğeorğiyevskıy adına Qırım devlet tibbiyet universitetine kirdi. Üçünci kursta yarımada işğal etildi. Ketmege istedi, amma anası oqup bitirmesi içün onı qalmağa qandırdı. İşğaldeki yaşayış oña ruhiy travma berdi ve işğalden çıqqan soñ onıñ üzerinde ruhiyatçınen çalışmağa mecbur oldı.
Universitet bitirgen soñ Yuliya Ukrayinada öz işğalli diplomını tasdıqlama yollarını qıdırmağa başladı.
«Ukrayinada diplomımnı tasdıqlama yollarını qıdırmağa başladım, çünki bunı yapmaq içün para toplamaq ümütim bar edi. Amma kerçekten de bu qadar para toplap olamadım, çünki bu eki yıl içinde biz pek çoq ğayıp ettik. Men bu qadar maliye toplayamaz edim. Bunıñ içün sıfırdan başlap oquğanımnı aytmaycağım, amma «KrokKrok — Ukrayinada ekim, ilâc ve stomatolog studentleri içün mecburiy devlet litsenziyalı birleştirilgen imtianlar. Olar Yekâne devlet imtiyaz imtihanınıñ (YDİİ) bir qısmıdır, Sağlıq nazirliginiñ desteginen keçirile ve magistrlik diplomınıñ şartıdır.» kibi imtinalarnı, test merkezinde ingliz tili imtianını tapşırdım ve akademik farqlılıqlarnı berdim. Bunı yapmaq içün maña eki yıl kerek oldı», — dep ayttı Krestyannıkova.
O añlattı ki, o, Boğomolets universitetini sayladı, çünki o, Ukrayinada 2014 senesinden işğal etilgen topraqlardan diplomlarnı attestat etken tek universitet ola.
«Biz Sağlıq nazirligi, Tasil nazirliginden mektüplerni aldıq, anda er bir universitetniñ bunı yapa bilgenini cevap berdiler, amma kerçekten de kimse böyle mesüliyet almağa istemey. Bunıñ içün tek yol — Boğomolets universiteti», — dep añlattı qız.
Tolu miqyaslı tecavuz başlanğanda Yuliya ve aqayı Qırımdan çıqtılar. Ermenistanğa kelip-kelmez, olar mecburen alğan Rusiye pasportlarını açıq şekilde ateşke berdiler.
Endi beş yıldır qız ihtisasına köre çalışmay, çünki kimse işğalli vesiqalarnı tanımay. Zenaatını deñiştirmege istegenini de ayttı.
«Men bütün ğam basamaqlarından keçtim, çünki menim içün bu büyük bir ğam edi. Men özümni ekimden ayıramay edim. Bu, zenaatnen o qadar büyük bir bağ edi ki, ekim olaraq çalışmaq imkânını coyğanımda, men özümni ğayıp olğan kibi oldım. Men em depressiya, em de telâş bozuqlığını yaşadım, çünki menim içün bu pek accı edi, amma bu devirge minnetdarım bile, çünki yıllar keçti ve menim Yulâ-ekimden daa çoq olğanımnı añladım. Men Yulâ-dost, Yulâ-apay, mışıqnıñ Yulâ-anası ve evel diqqat ayırmağa şeylerni bilgen Yulâ olam… Men ekimcilikten ketmek ve başqa bir şeynen oğraşmaq tüşüncelerim bar edi, amma men işimni soñuna alıp kettim», — dep ayttı Krestyannıkova.
Şimdi qız Ukrayinada ya da çetelde internaturağa kirmege planlaştıra. O tüşüne ki, ihtisasını deñiştirir: anesteziologdan bala ruhiyatçılığına.
«Kerçekten aytsam, çeteldeki variantlar — olar daa çoq özüne çeke, daa muvafaqiyetli, men böylece aytar edim. Bunıñ içün şimdi men yaşaycağım, çalışaycağım ülke aqqında tüşünem. Pek çoq incelik bar, üzerinde tüşünmem kerek olğan pek çoq faktor bar. Bunıñ içün şimdi men faal tüşünem», — dep añlattı o.
Bir qaç senedir Yuliya öz blogunı alıp bara — açıq işğal kündeligi. Anda o, yaşağanlarınen paylaşa, insanlar ise öz ikâyelerini anlatalar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
