İşğal etilgen Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) Stoletovskıy caddesinde patlav oldı, onıñ neticesinde bir adam elâk oldı. İlk malümatqa köre, patlatıcı cihaz çöp qopqasında saqlanılğan edi.
«Qırım yeli» Telegram kanalı bu aqqında haber berdi.
RF Mudafaa nazirliginiñ arbiy hızmetçisini patlatqanında qabaatlanğan qadın tutuldı, dep bildirdi şeer «gubernatorı» Mihail Razvojayev.
«Patlatıcı — 1994 senesi doğğan qadın — endi şaatlıq ete. Taqiqat ögrendi ki, o, ukrayin mahsus hızmetleriniñ vazifelerini eda ete edi ve yapqanları içün tevbe etmey», — dep qayd etti o.
Aynı vaqıtta RİA «Novosti Krıma» rusiye teşviqat agentligi, FSBniñ Qırım ve Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) şeerindeki işğalli idaresine esaslanıp, patlav neticesinde arbiy hızmetçi elâk olğanını bildirdi. Rusiye mahsus hızmetiniñ malümatına köre, şübelengen qadın endi yaqalandı ve o, «Ukrayina mahsus hızmetiniñ vazifesinen Stoletovskıy caddesinde patlav yaptı».
«Patlav neticesinde adam yaralandı ve elâk oldı», — dep bildirildi haberde.
Rusiye quvetçileri qayd ettiler ki, cinaiy dava açma meselesi baqıla.
Elâk olğan adam «Zaporijjâ» ukrayin suvastı gemisiniñ sabıq komandanı Robert Şageyev ola bile. Açıq menbalardan belli oldı ki, 2014 senesi Robert Şageyev antını bozıp, işğalcilerniñ tarafına keçti ve rusiye suvastı gemisiniñ komandanı oldı.
«ÇP Sevastopol» Telegram kanalınıñ haberlerine köre, yerde cinayet hadimleri çalışalar. Bundan da ğayrı kanal haber berdi ki, apayı elâk olğan adamnı ve, ilk malümatqa köre, onıñ arbiy hızmetçi olmağanını tanıdı.
Patlav sebepleri ve elâk olğan adamnıñ şahsiye ögrenile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
