Arman ayınıñ 12-ne keçer gecesi işğal etilgen Qırımda patlavlar oldı. Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) üç kere ava telükesi ilân etilgen edi, işğalli akimiyet ise dronlarnıñ kütleviy şekilde ücüm etkenini bildirdi.
İşğalli Sevastopol (Aqyar) «gubernatorı» Mihail Razvojayev bunı bildirdi.
Onıñ aytqanına köre, Rusiye arbiy hızmetçileri 30-dan ziyade dronnı urıp tüşürdiler.
Razvojayevniñ qayd etkenine köre, Rusiye quvetçileriniñ eñ faal işi Balıqlava rayonında keçti, adamlar zarar körmedi.
Balıqlava şeerinde üç çoq qatlı evniñ ve beş şahsiy evniñ sakinleri pencereleriniñ qırılğanını ve diger zararlar aqqında bildirdiler. Bundan ğayrı bir qaç yerde urulğan dronlarnıñ parçaları tapıldı.
İlyas Qaya rayonında orman yanğınları çıqtı. İşğalli akimiyetniñ malümatına köre, yanğınnıñ meydanlığı tahminen 500 kvadrat metrni teşkil ete. Balıqlava plâjı yanında daa bir ösümlikler yanğınğa oğrağanı köründi.
Gagarin rayonınıñ bağça cemiyetlerinden birinde, yıqılğan parçalar sebebinden mesken evniñ damı yanıp başladı. İşğalli akimiyetniñ bildirgenine köre, yanğın tez vaqıtta söndürildi, yaralanğanlar yoq. Balıqlava rayonında ve Sevastopolnıñ (Aqyarnıñ) şimaliy tarafında üç çoq daireli evde kiçik zararlar aqqında haber etile edi.
Aynı vaqıtta «Qırım yeli» Telegram kanalı, şaatlarnıñ malümatına esaslanıp, Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) ve Keriçte patlavlar aqqında haber etti. Onıñ malümatına köre, Yalta qomşu rayonında eki kere «Pantsir» raketaları ateşlengenini, Balıqlava civarında ise patlavlar eşitildi. Bundan da ğayrı, Telegram kanalı, uçucısız uçaq aletleri «Qaçı» ve «Belbek» ava limanları yanında olğanı aqqında haber etti.
Bundan da ğayrı, «Qırım yeli»niñ bildirgenine köre, Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) elektrik yoq oldı. Telegram kanalınıñ malümatına köre, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Saq, Mikolayivka, Bereğove, Pişçane ve Uğlove de elektriksiz qaldı.
«Qırım yeli»niñ nezaret gruppası uydu malümatına esaslanıp, Sevastopol (Aqyar) civarında eki büyük yanğın bar olğanını bildirdi. Olardan biri Balıqlava civarındaki Pervomayske köyü yaqınlarında, demiryol üstündeki köpürniñ keçkeni yerde, naqliyat noqtası yanındadır. Ekincisi — Balıqlava yanındaki «Vasıli» plâjı yanında. Bundan da ğayrı, nezaret gruppası, evel bildirilgen «İncir» yanında söndürilgen yanğınnı qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
