İşğal etilgen Qırımda Rusiye quvetçileri tarafından «devlet hainligi»nde qabaatlanğan 35 yaşındaki Sevastopollı (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adlı) advokat Amet Abultayirov taqip etile. 2024 senesi boş ayda onıñ apayınıñ babası Vitaliy Şçurova da apiske alındı.
Qırımtatar Resurs Merkeziniñ idarecisi Zarema Bariyeva bunı bildirdi.
Onıñ aytqanına köre, Abultayirov tutulğanına qadar Sevastopolda (Aqyarda) uquqiy ameliyatnen oğraşa edi. O, topraq ve mesken davaları, mülk bölüvi ve istimalcı aqlarınıñ qoruvında ihtisaslaştı. Bundan da ğayrı o, yerli ayvanlarnıñ sığınaqlarına göñülli olaraq yardım ete edi.
2024 senesi boş aynıñ 1-nde FSB hadimleri Amet Abultayirovnı Sevastopolda (Aqyarda) yaqaladılar. Onı «devlet hainligi»nde qabaatladılar.
Aynı künü onıñ qayın babası 54 yaşındaki Vitaliy Şçurov tutuldı. Bariyevanıñ malümatına köre, adam Sevastopolda (Aqyarda) küçük biznesnen oğraşa edi ve qızınıñ aqayınen beraber teşebbüsçilik faaliyetine qoşulğan edi.
Başta er eki adamnı Sevastopol (Aqyar) SİZOsında tuta ediler, soñra ise qanunsız sürette Moskvanıñ «Lefortovo» SİZOsına avuştırğan ediler. Bariyevanıñ qayd etkenine köre, şimdilik ekisi de mahküm etildi ve apellâtsiya baqıla.
Vitaliy Şçurov Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) 2-nci SİZOda buluna. Amet Abultayirovnı etap etken soñ Rusiyeniñ Krasnodar ülkesindeki 1-nci SİZOda tutalar.
«Bu, qoranta repressiyalarınıñ daa bir örnegi, apishanelerde aileniñ erkek qısmı buluna, olarnı sistema adiy tınç ayatlarından acımasızca ayırıp aldı», — dep yazdı QRM idarecisi.
Onıñ aytqanına köre, erkekler apiske alınğan soñ, qorantaları olarnen çeşit tahqiqat izolâtorları vastasınen bağ tutmaq ve yayınlarnı azırlamaq mecburlar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
