2026 senesi arman ayınıñ başında işğal etilgen Qırımda ukrayin istihbaratçıları Rusiyeniñ S-400 «Triumf» zenit raketa kompleksiniñ eki uçuruv qurulışını ve «Orion» uçucısız uçaq aletini idare etici antenanı urdı.
Ukrayina Mudafaa nazirliginiñ Baş istihbarat idaresi bu aqqında haber etti.
Ukrayina Mudafaa nazirliginiñ Bİİniñ «Group 13» mahsus bölüginiñ mütehassısları operatsiyanı keçirdiler. Rusiye arbiy obyektlerine zarar ketirmek içün, istihbaratçılar FPV-dronlarnıñ taşıyıcıları olğan Magura çoq maqsatlı deñiz platformalarını qullandılar.
Ukrayina istihbaratınıñ malümatına köre, operatsiya neticesinde eki S-400 «Triumf» zenit raketa qurulışı, em de «Orion» uçucısız uçaq kompleksini idare etici antena zarar kördi.
Bİİniñ qayd etkenine köre, yoq etilgen ve zarar körgen obyektlerniñ fiyatı on millionlarnen dollarnı teşkil ete bile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
