Bu gece işğal etilgen Qırımda patlavlar oldı. Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) üç kere ava telükesi ilân etilgen edi. İşğalli akimiyet 18 dron urıp tüşürilgenini bildirdi.
İşğalli Sevastopol (Aqyar) «gubernatorı» Mihail Razvojayev bunı bildirdi.
Onıñ aytqanına köre, gece Qırım üzerinde, esasen deñiz üzerinde ve yalı boyunca, 15 UUA uruldı. Saba, Razvojayevniñ malümatına köre, daa üç dron Sevastopolnıñ (Aqyarnıñ) Şimaliy tarafı ve Gagarin rayonında uruldı.
İşğalli Sevastopol (Aqyar) «gubernatorı» tüşken dronlarnıñ parçaları İncir plâjı civarındaki ormanlarnı yandırğanını bildirdi. Anda eki toplaşuv yeri peyda oldı, qurtarıcılar ve ormancılıq hadimleri ise insanlarnı lagerden tahliye ettiler. Onıñ aytqanına köre, Fiolent qara yolu rayonında da parçalar dört maşinanı bozdı.
İşğalli memurnıñ aytqanına köre, ücüm neticesinde kimse zarar körmedi.
Aynı vaqıtta «Qırım yeli» Telegram kanalı, şaatlarnıñ malümatına esaslanıp, yarımadanıñ farqlı rayonlarında patlavlar ve ava mudafaası vastalarınıñ işi aqqında haber ete edi. Hususan, bu malümatqa köre, ateş açuvı Balıqlava SES, «Belbek» ava limanı, Saq rayonı ve Sevastopolnıñ (Aqyarnıñ) Gagarin rayonı yanında eşitildi.
Bundan ğayrı, Krasnoperekopskta on patlav aqqında haber etildi. TKanalnıñ malümatına köre, demiryol stantsiyasınıñ artındaki sanayı alanında yanğın çıqtı. Yanğın sebepleri ve ücümler aqqında resmiy malümat yoq.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
