Rusiye Baş prokurorlığı «Crimean Tatar Foundation» (Amerika Qoşma Ştatları Qırımtatar fondu) Amerika teşkilâtını «istenilmegen» olaraq tanıdı.
Rusiye prokurorlığınıñ saytında bu aqqında aytıla.
«Fond 2021 senesi AŞQda qurulğan, New Yorkta yerleşken. Fond Ukrayina Silâlı quvetlerine yardım ete, Ukrayina ordusına uçucısız uçaq aletlerini, mudafaa donatmalarını, generatorlarnı, naqliyatnı, bağ ve nezaret donatmalarını temin ete», — dep aytıla haberde. Fond tarafından qırımtatar halqınıñ sürgünlik tarihını sahteleştirgen lektsiyalar, konferentsiyalar ve sergiler teşkil etile, «Qırım işğali» ve «Rusiyeniñ Ukrayinağa qarşı tecavuzı» aqqında nazariyeler ilân etile», — dep qayd etildi haberde.
Hatırlatamız ki, Crimean Tatar Foundation USA öz maqsadını qırımtatar halqınıñ — Ukrayina tamır halqınıñ — menfaatlarını halqara seviyede temsil etmek, insan aqlarını qorçalamaq, medeniy ve tarihiy mirasını saqlamaq ve Ukrayinağa qol tutmaq olaraq ilân ete.
У «Crimean Tatar Foundation» інформацію про внесення у перелік «небажаних» на разі не коментували.
Teşkilâtnıñ maqsatları arasında — Qırımnıñ işğalden azat etilmesi, Ukrayinanıñ topraq bütünliginiñ ğayrıdan tiklenmesi ve qırımtatar halqınıñ öz muqadderatını tayin etüv aqqınıñ qoruvı.
«Crimean Tatar Foundation» teşkilâtı «istenilmegenler» cedveline kirsetilgeni aqqında malümatnı izaatlamadı.
Hatırlatamız ki, 2025 senesi fond, Qırımnıñ Rusiyege berilmesi, Ukrayina tamır halqı olğan qırımtatarlarnıñ yoq etilmesi degenini bildirdi. 2014 senesinden başlap Rusiye Federatsiyası qırımtatarlarğa qarşı repressiyalar, işkence ve apis cezalarını qullana.
«Bu bir metafora degil, bu kerçek bir genotsid, anda közümizniñ ögünde olıp keçe», — dep qayd etildi fondta.
Teşkilâtnıñ qayd etkenine köre, Rusiye qırımtatar medeniyetini añlı şekilde yoq ete: qırımtatar mektepleri qapatıla, tarihiy yerlerniñ adları deñişe, milliy ananeler tsenzurağa oğratıla.
«Endi tasavur etiñiz: Qırım resmen Rusiyege ait tanılsa, ne olur? 10 yıldan soñ dersliklerde tek qırımtatar adı qalacaq. Olarnıñ tili ölecek. Olarnıñ medeniyeti yoq olacaq. Olarnıñ tarihı yañıdan yazılacaq. Çünki Rusiye tek zapt etmey — yoq ete. Bu siyaset degil. Bu, yavaş sürette yapılğan genotsiddir», — dep qoştı fond.
Bundan da ğayrı, Rusiye, ealiniñ qavmiy terkibini deñiştirmek içün Qırımğa yüz biñlernen öz vatandaşlarını yerleştirerek, demografik cenk alıp bara. Vaziyet qırımtatar esirleri arasında da kerginleşe.
Hatırlatamız ki, «Qırım birdemligi» uquq qorçalayıcı areketi işini toqtatqanını ilân etti. Sayt ve içtimaiy ağlardaki saifeler artıq yañartılmaycaq.
İlk yaz ayınıñ 26-nda Rusiye Federatsiyası Adaliye nazirligi teşkilâtnı «çetel agentleri» cedveline kirsetken soñ «Qırım birdemligi» iştirakçileri faaliyetini devam etmemege qarar aldılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
