Baş istihbarat idaresi işğal etilgen Qırımda vaziyet kerginleşkenini bildirdi. İdareniñ malümatına köre, elektrik, suv ve yaqarlıq meseleleri yarımadada iqtisadiy buhrannı daa beter ete.
İşğal etilgen Qırımda yaqarlıq fiyatı 18%-ge, Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) ise 25%-ge paalılaştı, dep aytıla Bİİniñ haberinde.
«2026 senesi oraq ayında vaqtınca işğal etilgen Qırımnıñ rayonlarınıñ çoqusındaki benzin stantsiyalarında benzin er eki-üç künde peyda ola edi, nevbetler bir kilometrni aştı, Aİ-95 benzininiñ fiyatı ise benzin stantsiyalarında 269 ruble, şahsiy satıcılarda ise 300 ruble edi», — dep bildirdi Bİİ.
Oraq ayınıñ 14-nden 20-ne qadar 1,4 million abuneci elektriksiz edi
Oraq ayınıñ 14-nden 20-ne qadar bir afta devamında yarımadada 1,4 million abuneci elektriksiz qaldı.
«Canköy, Yaña Qapu ve Ermeni Bazar şeerlerinde black out başlanğan soñ on künden eñ az sekiz kün elektrik kesilüvi qayd etile edi, Sevastopolda (Aqyarda — terciman) — yedi kün. Aynı vaqıtta Aluştada suv yedi kün, Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte — terciman) altı kün, Yevpatoriyada (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde — terciman) beş kün devamında kesildi. Bazı meskün yerlerde elektrik on künden ziyade yoq edi; oraq ayınıñ 2-nden berli Yevpatoriyada (Kezlevde — terciman) kündüz elektrik berilmey edi, geceleri ise tek dört-beş saatke berile edi», — dep bildirdi Bİİ.
Aşayt mallarınıñ fiyatları arttı, kira paalılaştı
İşğal etilgen Qırımda bazı aşayt malları, meselâ, Rusiyeniñ Krasnodar ülkesinde olğan aşayt mallarından daa paalı: kefir — 167%, yımırta — 149%, beyaz ötmek — 131%ge.
Ukrayina istihbaratınıñ malümatına köre, 2026 senesiniñ birinci yarısında vaqtınca işğal etilgen Qırımda 398 cemaat aşayt müessisesi qapatıldı.
«Bu, keçken senege köre 42,1%ge ziyadedir. Ayrı-ayrı istisalcılarnıñ satuvları 70%-ge tüşti, olarnı bazarlarda ve yarımadanıñ tışındaki ağlarda satmağa mecbur ettiler», — dep qayd etildi haberde.
İstek tüşkeni sebebinden yarımadanıñ cenübiy yalısında qısqa müddetli kiranıñ fiyatı 30-50 fayizge, Simferopolda (Aqmescitte) ise uzun devamlı kira 13 fayizge ucuzladı.
Hatırlatamız ki, arman ayınıñ 3-nde işğal «Krımenergo» yarımadanıñ energetik obyektlerine «tış tesir» ve esas elektrik ağlarına zarar ketirilgenini bildirdi. Onıñ malümatına köre, bunıñ neticesinde Qırım mesken yerlerinde elektrik energiyası kesildi. Rusiye Qırımnıñ elektrik ağlarını idare etmege vazife alğan şirket, elektrik energiyasız qalğan şeer ve köylerni ve elektrik energiyasınıñ qaytarıluv müddetini aydınlatmay. Bu haber avgustnıñ 3-nde saba şirketniñ saytında peyda oldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
