İşğal etilgen Qırımda ukrayin istihbaratçıları «Podlöt» radiolokatsiya stantsiyası kompleksiniñ terkibindeki Rusiye idare maşinasını, em de «öz-yabancı» tanıma sistemasını — «Parol-4» radiolokatsiya soratıcısını urdılar. Mahsus tedbir iyülniñ soñunda «Magura»Bİİniñ FPVnen donatılğan deñiz platformaları yañı deñiz platformasınıñ qullanuvı ile keçirildi.
Arman ayınıñ 3-nde Ukrayina Mudafaa nazirliginiñ Baş istihbarat idaresiniñ saytında bu aqqında haber etildi ve video derc etildi.
«Şimdilik bizim "Magura"larımız Rusiye işğalcilerine telüke teşkil eteler ve quruda — bu küreşni başqa meydanğa avuştıruvdır. Umumen alğanda, Rusiye tecavuzcısınen cenkte yapqan areketlerimiz, Qırım işğalcilerine ne akvatoriyada, ne Qara deñiz üstünde, ne de Qırım toprağında yer olacağını tasdıqlay. Qırım — Ukrainadır» — dep ayttı «Group 13»«Trınadtsâtıy» lâğabınen komandanı.
Magura — Bİİniñ FPVFirst Person View — birinci şahıstan uçma, onıñ devamında uçucı, video közlükleri ya da ekranı vastasınen kameralardan alınğan resimlerni körerek, dronnı idare etenen donatılğan deñiz platformalarıdır. Bu sistema, Bİİniñ aytqanına kmre, Rusiye işğalli ordusınıñ Qırımdaki topraq maqsadlarına muvafaqiyetli ücüm etmege imkân berdi.
Qırımda Magura deñiz platformalarını qullanıp, Bİİniñ operatsiyasınıñ eksklüziv kadrları:
«Hatırlatamız ki, deñizde Rusiye istilâcı devletinen cenkleşkende Ukraiyna Mudafaa nazirliginiñ Bİİniñ "Group 13" mahsus bölüginiñ operatorları doquz Rusiye gemisini yoq ettiler ve beşine zarar ketirdiler, üç duşman helikopteri ve daa bir vertolötını yoq ettiler — em de Rusiye Federatsiyası Qara deñiz flotunıñ eki qırıcısını yoq ettiler», — dep qoştı Bİİ.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
