İşğal etilgen Keriçte gece ava telükesinden soñ merkeziy bazar ve Qırım köprüRusiye tarafından işğal etilgen Qırımnı Rusiye Federatsiyasınen bağlağan 19 kilometrlik Keriç keçitinde qanunsız qurulğan naqliyat keçiti yanında yanğınlar qayd etildi. Bundan ğayrı, şeerdeki elektrik stantsiyası zarar kördi.
«Qırım yeli» Telegram kanalınıñ monitoring gruppası bunı bildirdi. «Exilenova+» ukrayin kanalı şeerdeki elektrik stantsiyasınıñ zarar körgeni aqqında yazdı. Rusiye Mudafaa nazirligi işğal etilgen Qırım, Qara deñiz ve Rusiye bölgeleri üzerinde 131 dronnı «urıp tüşürgeni»ni bildirdi. Ukrayina arbiy hızmetçileri Keriçke ücüm aqqında malümat bermey edi.
Arman ayınıñ 3-nde gece işğalciler Qırım köprüni saat 01:19-03:28 arasında qapattılar. O vaqıt şaatlar işğal etilgen Keriçte patlavlar olğanını bildirdiler. Bundan ğayrı, şeerniñ Miroşnık soqağındaki elektrik stantsiyası zarar kördi.
Sabağa qadar uydu resimlerinde qurucılarnıñ vaqtınca yerleşken Qırım köprüniñ yanında yanğın qayd etildi. Bu yerden 300 metr uzaqlıqta bir qaç kere ücüm etilgen «TES» cermay ve gaz terminalı bar.
«Yanğın, dronnı evlerge tüşürgen Rusiye AMSava mudafaası sisteması ya da REBradioelektron küreş çalışmasınen bağlı ola bile», — dep yazdı «Qırım yeli» kanalı.
Keriçniñ merkeziy bazarında da yanğın çıqtı, anda da urulıp tüşürilgen drın parçaları bar edi.
«Keriçniñ Merkeziy çarşısında, tüşürilgen dron parçaları tüşken soñ, yanğın çıqtı. Yanğınnıñ tam yerini "Qırım yeli" nezaret gruppası, uydu malümatına esaslanıp, tasdıqladı. Keriçte, K. Marks soqağında, şahsiy sektorda daa bir urıp tüşürilgen dron patladı. Dron parçaları yolğa tüşti. Parçalar bir adamnı yaraladı», — dep yazdı menba.
İşğal etilgen Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde), resursnıñ malümatına köre, bu gece de neft bazası zarar körgen ola bile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
