İşğal etilgen Qırımda işğalli memuriyetlerniñ daa eki vekiline qarşı qabaatlav aktları mahkemge yollanıldı. Olarnı, yarımadada Rusiye tarafından qurulğan qanunsız akimiyet organlarında reberlik vazifelerinde çalışqanları içün işbirlik faaliyetiUkrayina CQniñ 111-1-nci maddesiniñ 5-nci qısmınde qabaatlaylar.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Taqiqatnıñ malümatına köre, qabaatlanğan eki insan Ukrayina vatandaşı ola, olar Rusiye temsilcilerinen işbirlik yapmağa razı oldılar ve «yerli idare organları»nıñ yolbaşçı erkânına kirdiler.
Hususan, 2024 senesi mayıs ayında qabaatlanğanlardan biri işğalli akimiyet tarafından «YevpatoriyaKezlev şeer memuriyetiniñ başı» vazifesine tayin etildi. Diger qabaatlanğan insan 2023 senesi ilk küz ayında «Saq rayonı memuriyetiniñ reisiniñ muavini» oldı.
Suspilne Qırımnıñ menbasınıñ bildirgenine köre, söz Doroşenko Svitlana Viktorivna ve Yüryev Oleksandr Yuriyovıç aqqında kete. Qabaatlanğanlarğa 10 yılğa qadar apis cezası berile bilir.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
