İSQ eki künde Qırımdaki altı elektrik ast stantsiyasına ücüm etti — Madâr

Oraq ayınıñ 28-29 künleri Ukrayina Silâlı quvetleriniñ İnsansız sistemalar quvetleri işğal etilgen Qırımdaki altı elektrik ast stantsiyasına ücüm etti.

İSQniñ komandanı Robert «Madâr» Brovdi Telegramda bunı bildirdi.

Bular 220 kV «Feodosiyska» AS, 220 kV «Maryanivka» AS, 110 kV «Sklo» AS (Keriç), 110 kV «Kerçenska» AS, 110 kV «Albatros» AS (Kerç) ve Yevpatoriyadaki (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addeki — terciman) 110 kV «Moynakı» AS.

«Madâr»nıñ malümatına köre, umumen «Qırım rubilniki off» ameliyatı başlağanından berli oraq ayınıñ 1-den 29-ğa qadar Ukrayinanıñ vaqtınca işğal etilgen topraqlarında, şu cümleden Qırımda, 164 energetik maqsat uruldı.

Hatırlatamız ki, oraq ayınıñ 29-ncı gecesi işğal etilgen Qırımnıñ Keriç şeerinde yerleşken Keriç deñiz ticaret limanınıñ 5-nci anbarında ve Rusiye ava mudafaası sisetmasınıñ vastaları yerleşken küçük vatandaş uçaqları ava limanında yanğın çıqtı. Gece patlavları neticesinde belki de yanındaki obyektler, yana: yaqarlıq-yağ malzemeleri teminatı bazası ve 110/6 kV PS «Sklo» elektrik ast stantsiyası.

Bundan ğayrı, Ukrayina Silâlı quvetleriniñ Baş ştabı bildirdi ki, oraq ayınıñ 29-nda Ukrayina Mudafaa quvetleri RF Qara deñiz flotunıñ tez katerleriniñ işğal etilgen Qırımnıñ Mifvodne rayonındaki yerleşüv yerine ücüm etti.

Evel USQniñ Arbiy deñiz quvetleriniñ matbuat kâtibi Dmıtro Pletençuk bildirdi ki, işğal etilgen Qırımda elektrik teminatınen bağlı meseleler ve logistika bozulğan soñ, Rusiye uçaqları deñizlerniñ üzerinde daa az körüne, Rusiye gemileri ise baza noqtalarından çıqmay.

Bundan evel İnsansız sistemalar quvetleriniñ komandanı Robert Brovdi bildirdi ki, işğal etilgen Qırımnıñ azat etilmesi endi keçirile. Onıñ aytqanına köre, esas vazife — yarımadada Rusiye taqımınıñ resurslarnı temin etmek imkânından marum etmektir.

Böyle bir strategiya Qırımnıñ işğalden azat etilmesini ne qadar yaqınlaştıra bilecegi, yarımadanı büyük bir topraq ameliyatı olmadan azat etmek mümkün olğanı ve Rusiye logistika içün müim olğan obyektler qaysı ola bilgeni aqqında — Suspilne Qırım jurnalistleri arbiy mütehassıs Vladıslav Seleznöv ve İvan Stupak ile laf ettiler.

Читати ще