İşğal etilgen Qırımda Ukrayina Silâlı quvetleriniñ Noman Çelebicihan adına 48-nci ayrı ücüm batalyonınıñ askeri «terror teşkilâtında iştirak etkeni» içün 9 yılğa üküm etildi.
Rusiye FSBsiniñ Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerindeki işğalli idaresi haber etti, dep bildirdi oraq ayınıñ 29-nda RİA «Novosti Krım» Rusiye teşviqat haber agentligi.
İşğalciler adamnı apishanede birinci yılını keçirmege yolladılar, soñra ise daa sekiz yıl sert rejimli müstemlekede keçirecek.
Tahqiqatnıñ malümatına köre, mahküm etilgen adam batalyonğa 2016 senesi qoşuldı. Bu teşkilât Rusiye Federatsiyasında terroristik teşkilât olaraq tanıldı. Adam Herson vilâyeti ve işğal etilgen Qırım arasındaki memuriy sıñırdaki keçit noqtalarında insanlarnı ve maşinalarnı teşkere edi.
«O, batalyon obyektlerini qorçalay, hocalıq yapa, iştirakçilerini çeşit aşayt malları ve urbanen temin ete edi», — dep qayd etildi FSB matbuat hızmeti.
Qara qış ayında Qırımtatar resurs merkezi bildirdi ki, 66 yaşındaki Qırım siyasiy mabüsi Nasrulla Seydaliyev, Noman Çelebicihan adına batalyon davasında ilk apiske alınğan Ğeniçesk rayonınıñ sakinlerinden biri, 2025 senesi arman ayınıñ 28-nden berli Altay Cumhuriyetiniñ Mayma köyündeki tüzetüv müstemlekesiniñ ŞİZOceza izolâtorıda tutula.
2016 senesi USQniñ Topraq quvetleriniñ Noman ÇelebicihanNoman Çelebicihan — qırımtatar siyasiy ve devlet erbabı, Qırım, Litvaniya, Poloniya ve Belorusiye musulmanlarınıñ birinci müftisi, qırımtatarlarnıñ «Ant etkenmen» milliy gimniniñ sözleri müellifi adına 48-nci AÜBayrı ücüm batalyonı Qırım sıñırınıñ qamaçavı vaqtında esasen Ukrayina cenübiniñ sakinlerinden ve qırımtatarlardan teşkil etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
