İşğal etilgen Kefede «Ateş» arbiy-partizan areketi şeer kününe qadar qarşılıq aktsiyasını teşkil etti.
Areket Telegramda bu aqqında bildirdi.
«İşğalci akimiyet daa bir siyasiy kampaniyağa azırlanıp, "Yedinaya Rossiya" teşviqatını alıp barğan vaqıtta, "Ateş" agentleri öz işini yapa. Feodosiya şeer Kününe levhalarımız teşviqat malzemeleri ile beraber çıqtı. İşğalciler insanlarnı olarnıñ akimiyeti mında ebediy qalacağına inandırmağa tırışalar. Hatırlatamız ki, tirenüv devam ete, er kes Qırımnıñ azat etilmesinde öz issesini qoşmaq imkânına saiptir», — dep haberde aytıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
