Siyasiy mabüsler Oleğ Platonov ve Nataliya Polüh Simfeorpoldaki (Aqmescitteki) 2-nci SİZOda tutula. Bir yıldan ziyade ve üç aydan ziyade aileniñ «incomunicado» statusı bar edi.
«Qırımtatar resurs merkezi»niñ idare reisi Eksender Bariyev bunı bildirdi.
«Bütün bu vaqıt devamında tuvğanları, 2025 senesi çiçek ayınıñ 9-nda vaqtınca işğal etilgen Qırımda qanunsız sürette tutulğan Oleğ Platonov ve Nataliya Polüh ne yerde tutulğanlarını bilmey ediler. Olarğa eñ kerekli şahsiy eşyalarını, şu cümleden urba, qalın urba, ayaqqap, iç çamaşırları, şahsiy gigiyena vastaları ve diger kerekli şeylerni bermege imkânları yoq edi. Aqyarda (Sevastopol) yaşağan aile — Oleğ Platonov ve Nataliya Polüh — zorbalıqnen ğayıp olğan fedalar oldılar. Nataliya Polüh oğlunı mektepke alıp ketken soñ ğayıp oldı, aqayı ise aynı şu künü Alupkada çalışıp, bağğa çıqmağa toqtadı», — dep qayd etildi haberde.
İşğalli akimiyet qorantanı ayırğan edi, 9 yaşındaki oğlunı ise bala ve gençler içün içtimaiy evge yerleştirdi. Soñra onı dayısı, Nataliya Polühniñ qardaşı, yanına aldı. Ana-babasınıñ apiske tutulğan yeri bir yıldan ziyade belli degil edi.
«Tuvğanları ve advokatlarınıñ bergenleri muracaatlarğa cevap olaraq, Oleğ Platonov ve Nataliya Polüh apishanelerde tutulmaylar, dep cevap bere ediler», — dep añlattı Bariyev.
O, halqara toplulıqnı qanunsız tutulğan Ukrayina vatandaşlarını azat etmek talabınen Rusiye Federatsiyasına basqını quvetleştirmege çağırdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
