İşğal etilgen Qırımnıñ Qurman rayonınıñ 17 köyü tehnogen fevqulâde vaziyet zonasına kirsetildi.", rayonınıñ işğalli yolbaşçısı Vasiliy Grabovanğa atfı etip, bunı bildirdi.
"Teknogen FVfevqulâde vaziyet zonasına şu köylerni kirsettiler: Oleksandrivka, Krasnodarka, Tımaşivka, Nahimove, Klımove, Kalinine, Vışnyâkivka, Klepınine, Karpivka, Yastrubivka, Sımonenko, Muskatne, Nevske, Pyatıhatka, Moloçne, Yantarne ve Boranğar (Kransıy Partızan)", — dep qayd etildi haberde.
Hatırlatamız ki, Qırımda fevqulâde vaziyet rejimi ilk yaz ayınıñ 26-nda ilân etildi.
Hatırlatamız ki, Qırım uquq qorçalayıcısınıñ "Qırım.Aqiqat" neşirine anonim şekilden aytqanına köre, işğalli Qırım akimiyeti yarımadada ilân etilgen fevqulâde vaziyet rejimini Ukrayinağa qarşı cenkte iştirak etmek içün añlaşma imzalağan askerlerniñ çağırılmasını faalleştirmek içün qullana. Yerli "akimiyet" ve "arbiy komissarlıqlar" işten boşatılğan ya da zor vaziyetke tüşken erkeklerni Rusiye ordusına hızmetke celp etmek içün faaliyetini quvetleştirdiler.
Uquq qorçalayıcınıñ malümatına köre, işğalciler añlaşma hızmetiniñ reklama kampaniyasını em tış meydançıqlarda, em de içtimaiy ağlarnıñ Qırım segmentinde çoqlaştı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
