Ukrayin uquq qorçalayıcıları "Sevastopollı öz-özüni mudafaa etüvi" (QSB) qanunsız silâlı birleşmesiniñ daa bir iştirakçisine dair qabaatyaıcı akt mahkemege yolladılar. 2014 senesi kiçik ayda Rusiye Qırımnı işğal etkende "Belbek" adlı qanunsız blok noqtasınıñ komandanı olğan Ukrayina vatandaşı aqqında laf etemiz. İşğalciler ukrayin arbiy hızmetçilerine mania olmaq içün bu obyektni ava limanı yanında qurdılar.
Oraq ayınıñ 22-nde Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bu aqqında haber berdi.
Suspilnne Qırımnıñ uquq qorçalayıcı ogranlarındaki haberdar olğan menda anonim şeklinde añlattı ki, Yuriy Kokin aqqında laf etemiz.
"Taqiqatçılar ögrendiler ki, "hızmet" vaqtınca qabaatlanğan adam QSBniñ "komandanlığı"nıñ qanunsız emrileriniñ yerine ketirilmesi içün mesüliyetli edi, kontrol-keçit rejimini yerine ketire, vatandaşlarnıñ vesiqalarını qanunsız şekilde teşkere, olarnıñ maşnalarını tinte edi ve ilâhre. Bundan ğayrı, 2014 senesi saban ayında o, sözde "umumiy Qırım referendumı" keçirilgende saylav bölüklerinde qoruvnı temin ete edi", — dep qayd etildi.
Onıñ areketleri qanunsız silâlı birleşmede iştirak etüv, devlet hainligi, Ukrayinanıñ topraq bütünligi ve toqunmazlığına qast etüv olaraq belgilendiUkrayina CQniñ 260-ncı maddesiniñ 4-nci qısmı, 111-nci maddesiniñ 1-nci qısmı, 110-nci maddesiniñ 2-nci qısmı. Adam 15 senege qadar mahküm etile bilir.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
