İşğal etilgen Qırımda taksofonumumiy qullanuv telefonı, açıq yerlerde (soqaq, vokzal, hastahaneler) qoyulğanlar qoyulmağa başladı. 24 bağ noqtası 5 şeerde peyda oldı — Canköy, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Keriç, Ermeni Bazar ve Yañı Qapu (Krasnoperekopsk). Olarnı polis, acele yardım, gaz hızmeti ve qurtarıcılarğa telefon açmaq içün qoydılar, elektrik ve cep telefonları olmağanda.
Telegramda "Miranda" işğalli operatorı bu aqqında haber etti.
"Qırım şeerlerinde elektrik kesilgeni sebebinden acele hızmetlernen bağlanmaq içün stantsiyalı telefonlar qoyuldı. Mümkün olsa, 24 kamera elektrik energiyası ve cep telefonı ağı olmağanda da çalışa. Olarğa yanğıncılar hızmetine — 101, politsiyağa — 102, acele yardım hızmetine —103, qaz hızmetine — 104 ve bir dane qurtaruv hızmetine — 112 telefon nomerası vastasınen muracaat etmek mümkün", — dep aytıla haberde.
Canköy ve Yañı Qapuda 5-er, Ermeni Bazarda ve Yevpatoriyada 6-er, Keriçte 2-er taksofon yerleştirildi.
"İşğalli akimiyet bunı fevqulâde vaziyetler hızmetleriniñ çağırılmasını temin etmek kerekliginen añlata. İlk taksofonlar Canköy ve Yevpatoriya (Kezlev — terciman) şeerlerinde peyda oldı. Beş kamera Canköyde, daa biri Yevpatoriyadaki Teatr meydanında qoyuldı. İşğal etilgen yarımadada vatandaş astyapısınıñ bozulğanınıñ daa bir delili", — dep bildirdiler "Sarı şerit" areketiniñ Qırım faalcileri.
Hatırlatamız ki, işğal etilgen yarımadada "Qırım poçtası" poçta operatorı öz işini sıñırladı, çünki yaqarlıq qıtlığı ve elektrikniñ söndürilüvi devam ete. Bazı poçta bölükleri qapatıldı. Bundan ğayrı, şirketniñ işini eyileştirüvi sayesinde, pensiyanı kartta almağanlar içün tölevler keçiktirildi, ve poçta hadimleriniñ aylıqlarına qoşulacaq tazminatlar qısqartıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
