İşğal etilgen Qırımnıñ cenübiy yalısındaki meskün yerlerniñ bir qısmı, oraq ayınıñ 21-nde gece uçucısız uçaq aletleriniñ ücümi sebebinden elektriksiz qaldı.
RİA "Novosti Krıma", işğalli "Krımenergo"ğa atıf etip, bunı bildirdi.
"Elektr energiyasınıñ sıñırlavı işğal etilgen Qırımnıñ bütün toprağında çalışa. Elektrik energiyasınıñ söndürilüvi er bir energetik rayonınıñ vaziyetine köre tez bir zamanda keçirile", — dep qayd etildi haberde.
Saq şeerinde elektrik energiyasınıñ sıñırlav rejimi devam ete, dep bildirdi şeer memuriyetiniñ işğalci yolbaşçısı Yuliya Predibaylo. Sudaqta ağlardaki qaza sebebinden suv teminatı sıñırlana.
Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) saat 10:00 elektrik ağındaki qaza sebebinden trolleybuslarnıñ areketi toqtatılacaq. Bunı şeerniñ işğalli ükümeti bildirdi. Sebebi — elektrik ağında olğan küç qıtlığı.
Bundan ğayrı, şeerdeki şardıvanlar söndürildi.
Oraq ayınıñ 21-ne keçer gecesi işğal etilgen Qırımda patlavlar oldı. Nezaret kanallarınıñ malümatına köre, hususan, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Yalta, Balıqlava, Sevastopol (Aqyar) şeerlerinde duyuldı. Rusiye Mudafaa nazirligi Qırım, diger VİET ve Rusiyeniñ bölgeleri üzerinde urulğan 209 dron aqqında bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
