İşğal etilgen Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) tahminen 20000 tonna boğday yüklegen NOVAYA ZEMLYA gemisi (IMO: 9549281) İskenderiye (Mısır) yanında qayd etildi.
"Barıştırıcı" Merkeziniñ SeaKrime leyhasınıñ jurnalisti Katerına Yaresko bu aqqında haber berdi.
"NOVAYA ZEMLYA (IMO: 9549281) Famagustağa (Şimaliy Qıbrız) barmadı, amma İskenderiye (Mısır) yanında işğal etilgen Feodosiyada (Kefede — terciman) yüklengen 20000 tonna boğdaynen peyda oldı", — dep yazdı Yaresko.
Hatırlatamız ki, sanktsiyalar atında bulunğan NOVAYA ZEMLYA gemisi İstanbul boğazından keçip, işğal etilgen Qıbrızdaki Famagusta limanını tayin etti, dep yazdı Yaresko oraq ayınıñ 13-nde.
Ukrayina Mudafaa nazirliginiñ Baş istihbarat idaresiniñ War&Sanctions portalında berilgen malümatqa köre, 2025 senesi boş aynıñ 25-nde Ukrayina bu gemige qarşı sanktsiyalar kirsetti. Sebebi — işğal etilgen Feodosiya (Kefe) ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) limanlarından qanunsız alda ububatnıñ çıqarılmasında iştirak etmesidir.
Gemi Rusiye "Murmansk deñiz paromcılığı" şirketine ait, farqlı devirlerde onı "Şimaliy deñiz paromcılığı" ve "Baltiya yük gruppası" Rusiye şirketleri kiralağan edi. Olar, Ukrayina istihbaratınıñ malümatına köre, Rusiye Mudafaa nazirliginiñ maddiy-tehnikiy teminatı, arbiy logistika ve hırsızlanğan ukrayin ububatınıñ taşımasınen bağlı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
