UHH, Qara deñizde Rusiye "göñül flotunıñ" daa bir tankerini urdı. Mahsus hızmetniñ malümatına köre, UHH "Mamay" deñiz uçağı halqara sanktsiyalarnı bozıp, Rusiye neftini taşığan "Avero" tankerine ücüm etti.
Ukrayina havfsızlıq hızmeti bu aqqında haber etti.
Mahsus hızmette qayd etilgenine köre, "Avero" tankerı G7 memleketleri ve Avropa Birligi tarafından kirsetilgen neft embargosı vaqtında Rusiye neftini taşığan edi. Gemi, hususan, Qıtay ve İndistanğa neft naqil ete edi, em de Ukrayina sanktsiyaları altında buluna.
Nazirlikniñ qayd etkenine köre, bu, soñki on kün içinde UHH tarafından zarar körgen Rusiyeniñ dörtünci tankeridir. Bu gemilerniñ episi Suezmax sınıfına ait, olar büyük miqdarda neft ve neft mahsulatını taşımaq içün qullanılalar.
Bundan da ğayrı, UHH dronları Rusiye Federatsiyasınıñ Stavropol ülkesinde üç neft bazasına ücüm etti.
Mahsus hızmetniñ malümatına köre, Ukrayina devlet sıñırından maqsatqa qadar mesafe tahminen 600 kilometr edi. Ücüm neticesinde bütün üç obyektte yanğınlar çıqtı, patlavlar qayd etildi ve yaqıt ve yağlı malzemelerniñ rezervuarları zapt etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
