İşğalli Qırım prokurorlığı Rusiyeniñ Rostov-na-Donu şeerindeki Cenübiy bölge arbiy mahkemesinde adamğa qarşı İnternette "terrorizmni aqlağanı" boyunca cinaiy dava açtı.
Oraq ayınıñ 17-nde "prokurorlıq" Telegramda bu aqqında haber berdi.
Tahqiqatnıñ versiyasına köre, qabaatlanğan adam içtimaiy ağlardan birinde "Rusiye Federatsiyası devlet akimiyet organlarına ücüm etmege çağırğan" tefsirlerni qaldırğan edi.
Çiçek ayında "Tribunal. Qırım epizodı" teşebbüsiniñ uquq qorçalayıcıları Qırımda quvetçilerniñ Ukrayina tarafdarı olğan insanlarnıñ taqip etilmesine munasebeti deñişkenini qayd ettiler. 2025 senesiniñ yazından başlap işğal etilgen yarımadada "aşırıcılıq" ve "terrorizm teşviqatı"nen bağlı uydurılğan cinaiy davalarnıñ sayısı bayağı arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
