Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) işğalli rayon mahkemesi beş balanıñ babası, Qırımnıñ Bağçasaray rayonından qırımtatar Nariman Seitaliyevni orta küz ayınıñ 11-ne qadar SİZOtaqiqat izolâtorıda qaldırdı. O, "Hizb ut-Tahrir" islâm siyasiy firqasınıñ faaliyetini teşkil etkeninde qabaatlana.
Qırım uquq qorçalayıcıları arasından menba bunı bildirdi.
Apis müddetiniñ uzatılmasını "ilk tahqiqatnıñ yekünlenmesi imkânsız olğanı"nen añlattılar ve şimdi til-din ve fonografiya ekspertizasınıñ neticelerini bekleyler, em de Nariman Seitaliyevni ve onıñ imayecisini bunıñnen tanış eteler.
Tahqiqatçı üç şaatnı sorğuğa çekmege ve "davanıñ delil bazasını pekitmek" içün tahqiqat tedbirlerini keçirmege talap etti. Aynı zamanda imayeci, Simferopoldaki (Aqmescitteki) 2-nci SİZO yerine ev apsini istedi.
"Qabaatlanğan şahısnı apiske aluv şeklinde sıñırlav tedbirini almaqnıñ sebepleri lâğu etilmedi, olar alâ daa aktual olıp qala", — dep bildirdi mahkemeci Mariya Artişçeva ve "qabaatlanğan şahısnı apiste tutmağa imkân bermeycek tibbiy şartlar tapılmağanı"nı qayd etti.
Apiske alınmazdan evel Seitalievge bir qaç hastalıq diagnozı qoyulğan edi, şu cümleden, diyetası ve tedaviylenmesi kerek olğan pankreas meseleleri bar. Rusiye quvetçileri tarafından tutulmazdan bir qaç kün evel o, küçlü büyrek ağrısı sebebinden "acele yardım" çağırğan edi.
Hatırlatamız ki, kiçik aynıñ 12-nde Bağçasaray rayonınıñ Ğlıbokıy Yar köyünde işğalciler Seytalievniñ evini tinttiler. Onı tutıp, evden alıp kettiler.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
