11 saat devamında areket toqtatılğanı içün Qırım köpründeki keçitniñ eki tarafından büyük nevbetler peyda oldı. Oraq ayınıñ 6-nda saat 10:00-da aman-aman 2000 maşna keçmege azır edi, beklev müddeti ise üç saatke yaqın edi.
Köprüdeki vaziyet aqqında operativ malümat bergen Telegram kanalı bunı bildirdi.
"Taman tarafından elnen baqılması içün nevbette 1000 naqliyat vastası tura. Keriç tarafından elnen baqılması içün nevbette 900 naqliyat vastası tura. Beklev müddeti üç saatke yaqın ola", — dep qayd etildi haberde.
Bir kün evelsi aqşam Qırım köpründe maşna areketi bütünley toqtatıldı. İşğalli akimiyet onı tek 11 saatten soñ tikley bildi.
Hatırlatamız ki, oraq ayınıñ 13-ne keçer gecesi işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) eki kere ava telükesi ilân etilgen edi. Keriç köpründe naqliyat areketi saat 21:50-de toqtatıldı, tek saat 9:05-te ğayrıdan tiklendi.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
