İşğal etilgen Yevpatoriyada bala bağçaları qısqa kün rejimine keçti. Yaqın köylerde de balalar içün mektepten evel tasil berüv programması çalışacaq.
RİA "Novosti Qırım" Yevpatoriya şeeriniñ başı Vitaliy Oğanesânğa atfı etip bu aqqında bildire.
Rusiyege boysunğan memurnıñ aytqanına köre, bala bağçalarında balalarğa aş bermeycekler.
Hatırlatamız, işğalci "Qırımenergo" malümatına köre, oraq ayınıñ 12-nde saba elektriklersiz qalğanlar:
- Canköy ve Canköy rayonı;
- Yañı Qapu;
- Ermeni;
- Bilogır rayonı;
- Yevpatoriya rayonı.
Bundan da ğayrı, bir sıra meskün yerlerde elektrik teminleviniñ qoşma sıñırlavları kirsetildi. Olar Aqmescit, Yalta, Sudaq, Yevpatoriya, Saq, Aqmescit, Bağçasaray rayonlarına ait.
Hatırlatamız, Yalta ve Sevastopol şeerleri Ukrayina ücümlerinden soñ elektrik energiyasını iqtisat etüv rejimine keçti.
Qırımtatar Milliy Meclisiniñ reisi Refat Çubarovnıñ bildirgenine köre, işğal etilgen Qırımda Canköy ve Canköy rayonı elektriksiz qala.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
