Rusiye devlet bankı VTB arman ayınıñ 1-ne qadar işğal etilgen Qırımda ve Aqyarda (SevastopoldaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) diger banklarnıñ kart saipleri içün öz bankomatlarından para çeküvine vaqtınca sıñırlav kirsetti.
RBK bu aqqında haber ete, dep bank matbuat hızmeti bildire.
"Bizim statistikamızğa köre, qoyulğan sıñırlar, bölgede bankomat qullanıcılarınıñ kündelik operatsiyalarınıñ ekseriyetini qaplap ala. VTB müşterileri içün bütün şartlar deñişmey qala. Fevqulâde vaziyet rejimi sebebinden ağnıñ yüklü olması sebebinden bank müşterileri içün parağa birinci irişimni saqlap qala", — dep bank temsilcisi bildirdi.
Daa evel rusiyeli PSKB bankı müşterilerine VTBniñ Qırımdaki bankomatlarından para çeküv sıñırları aqqında bildirgen edi.
Endiden başlap, künde para çeküv operatsiyasınıñ maksimal miqdarı 15 biñ ruble, aylıq sıñır ise — 50 biñ ruble.
Bundan evel sıñırlavlar daa yüksek edi: künde 150 biñ ve ayda 300 biñ ruble.
PSKB-niñ Qırımda öz bankomatları yoq, onıñ müşterileri VTB ve "Uralsıbu" bankomatlarından faydalanalar, olarnıñ komisyonı 0,5%-dır.
Hatırlatamız, ilk yaz ayınıñ 26-nda Qırım ve Aqyarnıñ (Sevatopolnıñ) işğalci akimiyeti, elektrik teminlevi kesilgen soñ, fevqulâde vaziyet rejimini ilân etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
