Yañı Qapu (Krasnoperekopsk) şeerinde işğalli polis 29 yaşındaki qadınnı miting keçirmek niyetinen tuttı. "Aşırıcılıq merkezi" dep adlandırılğan teşkilât, oraq ayınıñ 7-nde saat 14:30-ta şeerde işğalli akimiyetniñ areketlerine qarşı narazılıq aktsiyasını teşkil etmege planlaştırğanını iddia ete. Ne olğanını ögreneler.
Oraq ayınıñ 10-nda işğalli Qırım "İçki işler nazirligi" Telegramda qanunsız tutuv aqqında bildirdi.
"Qırım Cumhuriyeti İçki işler nazirliginiñ Aşırıcılıqqa qaşırlıq merkezi içtimaiy ağlardan birinde derc etilgen video taptı. Bir qullanıcı öz saifesinde şeer sakinlerini 2026 senesi oraq ayınıñ 7-nde (saat 14:30-tan saat 15:00-ke qadar) Yañı Qapu (Krasnoperekopsk) şeerinde ruhset almadan miting ve narazılıq aktsiyalarını keçirmege çağırdı. Müessiseniñ malümatına köre, aktsiyalarnıñ maqsadı bölgedeki içtimaiy-siyasiy vaziyetni kerginleştirmek ve akimiyet organlarına menfiy munasebetniñ şekillendirilmesidir", — dep qayd etildi işğalcilerniñ haberinde.
O, Rusiye Federatsiyasınıñ Memuriy uquq bozuvları qanunnamesiniñ 20.2 maddesiniñ 2-nci qısmımitingniñ, narazılıqnı keçirüv nizamınıñ bozuluvına binaen 20 saatlik mecburiy tüzetüv işlerine "mahkum etildi".
"Qadın, iş adamlarınıñ "Qırım Cumhuriyeti yolbaşçısı"na şeer vaziyetine dair video muracaatını yazmaq istegenlerini bilgenini añlattı. Kütleviy tedbirlerniñ evelden planlaştırılğanını bilmeden, video içtimaiy ağda yerleştirdi", — dep qoştı işğalli "İİN".
Rusiye quvetçileri qadınnıñ işğalcilerniñ angi areketlerine qarşı narazılıq kösterecegini aytmay.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
