Bu künleri Lvivde "Dünyada Ukrayina" ukryain ve qırımtatar studiyalarınıñ halqara konferentsiyası keçirile. Bugün Lvivdeki Metropolit Andrey Şeptıtskıy Merkezinde esas basamaq başlandı — eki kün devamında iştirakçiler bilgi, medeniy miras, cenk, haber telükesizlihi ve halqara akademik işbirligi mevzularına bağışlanğan mevzularnı muzakere etecekler.
Qırımtatar Resurs Merkezi bunı bildirdi.
"Qırımtatar Resurs Merkezi böyle halqara tedbirlerni keçirmek müimligini qayd ete, çünki olar ukrayin ve qırımtatar tetqiqatlarınıñ inkişafına, halqara akademik işbirlikniñ pekitilmesine ve dünya toplulığınıñ diqqatını vaqtınca işğal etilgen Qırım, Ukrayina tamır halqlarınıñ aqları ve bu meselelerniñ halqara kün tertibinde saqlanuv kerekligine celp ete", — dep qayd etildi haberde.
Halqara tedbirniñ açılışı oraq ayınıñ 8-nde Lviv milliy operasında olıp keçti. Merasimden evel iştirakçiler Mars meydanıLvivdeki arbiy memorial. Meçnikov soqağında, Lıçakiv mezarlığınıñ şimaliy tarafında yerleşenda elâk olğan Ukrayina qorçalayıcılarınıñ hatırasını añdılar.
Ukrayina Medeniyet nazirligi, Ukrayin institutı ve Ukrayin katolik universiteti tarafından teşkil etilgen konferentsiya 38 memleketten 250-den ziyade alim, tedqiqatçı ve ocalarnı topladı. Tedbir ukrayin ve qırımtatar tetqiqatlarınıñ inkişafı, halqara akademik işbirligi ve Ukrayina aqqında bilginiñ dekolonizatsiyası içün er yıllıq platforma olmağa niyetlene.
"Cenk Ukrayinağa daa çoq diqqat ayırmağa mecbur etti, lâkin universitetler bu meraqnıñ vaqtınca olmağanını temin etmege yardım ete. Olar meraqnı bilgige, bilgeni añlaşuvğa, añlaşuvnı ise uzun müddetli ortaqlıqqa çevireler", — dep qayd etti Olena Zelenska.
Konferentsiya programması 55-ten ziyade akademik panel, tögerek masa, tedqiqat leyhaları ve kitap taqdim etüvlerini qaplap ala. Esas mevzular arasında — ukrayin ve qırımtatar studiyalarınıñ inkişafı, dünyada ukrayin tiliniñ ögretüvi, bilginiñ dekolonizatsiyası, medeniy miras, Rusiye teşviqatına qarşılıq, cenk ve cemiyet. Qırımtatar studiyaları, Qırım tarihınıñ ögrenilüvi ve işğalden azat etilgen yarımadanıñ körüngenine ayrı diqqat ayırıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
