İnsansız sistemalar quvetleri bir künde RF kölge flotunıñ 14 tankerine ücüm etkenini bildirdi.
İSQniñ onlayn esabatında bu aqqında haber berildi.
Tam olaraq qayerde ve oraq ayınıñ 9-nda ne qadar gemi urulğanı belli degil.
Rusiyeniñ Rostov vilâyetiniñ gubernatorı Yuriy Slüsar da eki tankerniñ ücüm etilgenini bildirdi.
"Taganrog körfezinde uçucısız uçaq aletleri mehanik zarar körgen eki tankerge daa bir kere ücüm etti. İlk malümatlarğa köre, yaralanğanlar yoq. Tankerlerniñ ekipajları tahliye etildi. Dronlarnıñ ücümi neticesinde yanğın çıqtı. Birinde o devam ete, digerinde ise yanğın endi söndürildi", — dep yazdı o.
Hatırlatamız ki, oraq ayınıñ 8-de gece İnsansız sistemalar quvetleri vaqtınca işğal etilgen Qırımğa neft mahsulatını taşığan doquz Rusiye tankerine ücüm etti. Bundan evel Rusiye Federatsiyasınıñ kölge flotunıñ Azaq deñizindeki daa on gemisi ücüm etildi. Umumen 72 saat içinde ukrayin dron operatorları 21 gemini urdılar, olarnıñ arasında 19 tanker, bir quru yük taşıyıcı ve Keriçte parom.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
