İşğal etilgen Qırımda oraq ayınıñ 5-nde Bağçasaray - İnkerman-1 bölüginde şeer trenleriniñ areketi toqtatıldı.
İşğalci Cenübiy şeer yanındaki yolcu şirketiniñ matbuat hızmeti bu aqqında bildire.
"Yol areketiniñ ğayrıdan tiklenüvi aqqında malümatnı soñra bildirecekmiz, haberlerimizge diqqat etiñiz. Narazılığımız içün afu soramız. Sizden rica etemiz, bu malümatnı seyaat planlarıñızda köz ögüne alıñız", — denile beyanatta.
İşğal altındaki Aqyarnıñ (SevastopolnıñRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) demiryol vokzalında oraq ayı 4-ten itibaren şeer civarındaki kassalar qapatıla. Elektrik yolcuları biletlerni başqa yollarnen satın almalı.
Hatırlatamız, işğal etilgen Qırımda oraq ayınıñ 3-nde Yevpatoriyağa ve Canköyge poyezdler areketi toqtatıldı. Böyle qararnıñ sebepleri aytılmay.
Oraq ayınıñ 3-nde Qırımda elektrik stantsiyalarınıñ bozulması neticesinde yarıqsızlıq oldı. Bundan ğayrı, oraq ayınıñ 5-nde gece bir qaç elektrik stantsiyasında yañı yanğınlar qayd etile. Bundan evel "Bağçasaray", "Zimino" ve "Slovânsk" taqımları ücümge oğradı, em de Aqyar (Sevastopol) civarındaki Kaçada ücüm qayd etildi. İşğalciler bir insan elâk olğanını ve eki yaralanğanını bildire.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
