İşğal etilgen Aqyarda (SevastopoldaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) demir yol vokzalında oraq ayı 4-ten itibaren şeer yanındaki kassalar qapatıla. Elektrik yolcuları biletlerni başqa yollarnen satın almalı.
İşğalci Cenübiy şeer yanındaki yolcu şirketi bu aqqında haber etti.
Anda biletlerni üç alternativ yolnen satın almağa mümkün olğanını qayd eteler: tren kassasında, şirketniñ saytında ya da mobil uyğulamasında.
Hatırlatamız, işğal etilgen Qırımda oraq ayınıñ 3-nde Yevpatoriyağa ve Canköyge poyezdler areketi toqtatıldı. Böyle qararnıñ sebepleri aytılmay.
Bundan ğayrı, oraq ayınıñ 4-nde gece uydular Keriçteki "Qırım" parom terminalında, Canköydeki arbiy ava limanında ve Yaña Qapunıñ "Polimer" elektrik stantsiyasında ve demiryolunda yanğınlarnı qayd etti. İşğalciler yaralanğan ve bir kişi elâk olğanını bildirdi.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
