Rusiye, Qırımnıñ büyük qısmında elektrik teminlevini ğayrıdan tiklegenini bildirdi, amma saba "sıñırlav rejimi"ni ğayrıdan kirsetti. Umumen alğanda, işğalciler yerli ealige eñ az eki saatten beş saatke qadar yarıqsız qalmağa azırlanmağa tevsiye ettiler.
İlk yaz ayınıñ 27-nde Telegramda işğal "Qırım yaqıt ve energetika naziri" Volodımır Voronkin bu aqqında yazdı.
"Qırım energetikleri elektrik teminlevi ağlarında tamir işlerini devam ete. Bu işke 500-den ziyade mütehassıs celp etildi. Qoşma alâqa ağlarınıñ qurulması, em de stabil energiya teminlevi içün kerek olğan donatmalarnıñ montajı kerek olğanını köz ögüne alıp, yaqın künlerde Cumhuriyetniñ mesken yerlerinde elektrik energiyası qullanıcılarınıñ sıñırlanması mümkün. İşsizlikler eki saatten beş saatke qadar devam ete bile", — dep o yazdı.
İlk yaz ayınıñ 27-nde saba işğalci "Qırımenergo" bildirgenine köre, yükniñ artması sebebinden elektrik teminatı sıñırlanmalı oldı, dep RİA "Qırım Haberler" bildire.
"Gece saatlerinde Qırımnıñ bir çoq regionında elektrik teminlevi ğayrıdan tiklendi. Saba, elektrik energiyasınıñ qullanuvı artqan vaqıtta, Qara deñiz Regional Dispetçerlik İdaresi dispetçeriniñ emiri ile elektrik energiyasınıñ vaqtınca sıñırlanması rejimi kirsetildi", — dep haberde aytıla.
Bugün Cemiyet efirinde Ukrayina prezidentiniñ Qırım Muhtar Cumhuriyetindeki daimiy temsilcisiniñ muavini Denis Çistikov yerli sakinlerge ışıqsız ve bağsız qalmağa azırlanmağa, erzaq malları ve ilâclarnı yedeklep almağa tevsiye etti, hususan qorantada hronik hastalıqları olğan insanlar olsa.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
