2026 senesi ilk yaz ayınıñ 22-nde saat 11:00-da işğalciler Qırımdaki bala lagerlerinde yer ayırtılmasını toqtattılar. Sıñırlavlar ilk küz ayınıñ 1-ne qadar devam etecek.
İşğalli Qırım yolbaşçısı Sergey Aksönov bunı bildirdi.
"Turistik ve diger tedbirlerde iştirak etmek içün bala ve bala gruppalarınıñ başqa yerleşüv müessiselerinde yer ayırtılması, qabul etüvi ve yerleştirüvi toqtatıla. Mütenasip emir Qırım Cumhuriyeti ükümetiniñ resmiy portalında derc etildi.
Yerli Telegram kanalları da rezervatsiyalarnıñ lâğu etilmesi aqqında haber ete.
İlk yaz ayınıñ 21-nde "Artek" lagerinde yedinci nevbet başlaycaq edi, amma balalarnı qabul etmediler.
"Balalarım köprüden keçtiler, aşadılar, soñra onı çevirdiler", — dep tarif etti mektep talebeleriniñ ana-babaları.
Telegram kanalınıñ malümatına köre, lager ortaqları Qırım ştabınıñ emirlerine esaslanıp, Qırımğa ketken balalar ve olarnı özğanlar yaşağan yerlerine qaytmalı, dep tenbiyeleyler.
"Keriçten Simferopolğa (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adke — terciman) ketken ya da Simferopolda (Aqmescitte — terciman) bulunğanlar keri qaytarılacaq ve vaqtınca qaluv noqtalarına yerleştirilecek. Bundan soñ olar evlerine qaytmalılar", — dep qayd etildi beyanatta.
Hatırlatamız ki, Ukrayina Mudafaa quvetleriniñ ücümleri sebebinden ilk yaz ayınıñ 22-nden itibaren işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) cemaat naqliyatı, tükân ve restoranlarnıñ işi sıñırlana. Deñiz paromı çalışmaycaq, kütleviy tedbirler de lâğu etildi. Şeer tışında elektrik söndürilüvi planlaştırıla bile. Bundan da ğayrı, ilk yaz ayınıñ 22-23 künleri Sevastopolda (Aqyarda) yaqarlıq satılmaycaq.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
