Türkiye akimiyeti İskenderun limanında GRUMANT balkeriniñ boşatılmasına izin berdi. Gemide işğal etilgen Aqyardan (SevastopoldanRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) yüklengen 17 biñ tonnadan ziyade boğday bar.
"Barışuv" Merkeziniñ SeaKrime leyhasınıñ jurnalisti Katerına Yaresko Facebookta bu aqqında yazdı.
Balker GRUMANT (IMO: 9385879) İskenderun Türkiye limanına keldi, mında onı Magnitogorsk metallurgiya kombinatınıñ limanında boşatmaq içün qabul ettiler.
Deñiz naqliyatı nezaretiniñ malümatına köre, yükni ilk yaz ayı 4-11 künleri "Avlita" dane terminalınıñ 21-inci iskelesinde yüklediler. İhracatçı olaraq vaqtınca işğal etilgen Ukrayina topraqlarından muntazam sürette aşayt mahsulatınıñ çıqarılması ile bağlı olğan "Pallada" Rusiye şirketi qayd etildi.
Ukrayina Mudafaa nazirliginiñ Baş istihbarat idaresiniñ malümatına köre, GRUMANT balkeri (IMO: 9385879) Rusiyeniñ vaqtınca işğal etilgen topraqlardan, hususan Aqyardan (Sevastopoldan), aldatıcı gemicilik ameliyatları (spuffing, AIS manipulatsiyası) qullanıp, geminiñ kerçek identifikatsiya malümatını gizlep, hususan Bosfor boğazından keçkende (IMO nomeri ve geminiñ bir qısmı gizlep) ukrayin qarışıqlığını, Ukrayinağa mallarnı çıqarmaq içün qullanıla.
"2024 senesi kiçik aydan başlap gemi bir sıra sefer yapıp, vaqtınca işğal etilgen Qırımdan çıqardı. Aqyardan Suriye limanları Tartus ve Latakiyağa 78 million tonnadan ziyade aşayt ketirildi. Ekin yollayıcısı, 2022 senesi fevralniñ 3-nde qurulğan ve dane ticaretinde mütehassıs olğan "Pallada" Rusiye şirketidir, Suriye devlet şirketi — The Syrian General Organization for Trading, Storage and Processing of Grain tarafından qabul etile. 2024 senesi ilk qış ayı 17-31 künleri gemiler vaqtınca işğal etilgen Kefe limanında aşayt mallarını yüklep, soñra Mısırğa alıp ketti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
