İşğal etilgen Qırımda deñiz yalısı boyunca "BARS" teşkilâtınıñ iştirakinen patrul ve közetüv noqtalarınıñ sayısı bayağı arttı.
"Ateş" arbiy-partizan areketiniñ RF 810-ncı ayrı deñiz piyade brigadasınıñ agenti bunı bildirdi.
Onıñ malümatına köre, quvetleşüv yarımadada muntazam sürette olğan dron ücümlerinen bağlıdır. Rusiye komandanlığı, menbalarnıñ aytqanına köre, AMSava mudafaası sistemasınıñ mevamını gizlemege tırışa ve ücüm etici dronlarnıñ esapqa yaqınlaşmasına yol bermey.
Aynı zamanda hadimler arasında quvetleştirüv sebepleri aqqında başqa versiyalar da tarqalğanını iddia eteler. Arbiy hızmetçiler resmiy olmağan bir şekilde deñizden ukrayin quvetleriniñ çıqmasını muzakere eteler.
"Er kes akimiyetniñ USQniñ çıqacağından qorqqanını añlay. Memurlarnen açıqtan-açıq laf etmeyler, özara ise — er daim", — dep o ayttı.
Bundan ğayrı, qayd etile ki, arbiy hızmetçiler komandanlıqtan açıq malümat almağanı sebebinden, laflar faal tarqatıla. Ştabnıñ bir qısmı ilk yaz ayınıñ 21-nde Ukraiyna mudafaa quvetleriniñ küçlü ücümi ola bilecegini yahmin ete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
