Qara deñizde rusiye dronlarınıñ arbiy gemilerge ücümi neticesinde Panama gemisiniñ ekipaj azası elâk oldı, daa beş deñizci yaralandı.
Ukrayina ğayrıdan tiklev meseleleri vitse baş naziri — Ukrayina cemiyet ve topraqlarnıñ inkişafı naziri Oleksiy Kuleba bunı bildirdi.
Onıñ aytqanına köre, Sent-Kits bayrağı astında yaldap ketken daa bir gemige ücüm etildi. Onıñ ekipajınıñ üç azası da yaralandı.
"Bu, rusiyeniñ serbest gemicilik, halqara ticaret ve dünya azıq havfsızlığına qarşı cenk alıp barğanınıñ daa bir delilidir. Vatandaş erkânlar, ticaret gemileri, gumanitar ve ihracat marşrutlarınıñ işini temin etken deñiz astyapısı maqsat ola", — dep Kuleba qayd etti.
Vitse baş nazir halqara toplulıqnı böyle areketlerge açıq bir qıymet kesmege çağırdı, vatandaş gemilerine ve olarnıñ erkânına ücümler terrorizm olaraq tanılmalı, dep qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
