İlk yaz ayınıñ 8-de Qırım siyasiy mabüsi Niyara Ersmambetova SİZOtaqiqat izolâtorıda dayanılmaz tutuv şaraiti sebebinden açlıq ilân etti. İşğalciler "Ateş" arbiy-partizan areketinen işbirlik yapqanı içün "devlet hainligi" içün 15 yılğa mahküm ettiler. Sağlığı fenalaşqanından şikâyet ete.
İlk yaz ayınıñ 18-nde Qırım uquq qorçalayıcı gruppası bunı bildirdi.
Siyasiy mabüsniñ aytqanına köre, o bulunğan kamerada verem hastaları tutula edi. Bundan da ğayrı, çamaşırhane çalışmay ve onı tamir etmeycekler, dep memuriyet mabüslerge bildirdi.
Ersmambetovanıñ sağlığı fenalaşqanından da şikâyet ete. Onıñ şeker seviyesi köterildi ve terisinde eşken peyda oldı.
Hatırlatamız, o, Qırımnıñ Biloğirsk rayonında aphanede provizor olıp çalışqan edi. Rusiye quvetçileri qadını anasınıñ cenazesinden yedi kün keçken soñ, 2025 senesi mayıs ayında tuttılar.
Hatırlatamız ki, 2025 senesi ilk qış ayında işğal etilgen "Qırım Yuqarı mahkemesi" Nijnöğirsk rayonınıñ 37 yaşındaki sakini Niyara Ersmambetovanı — eki çağına yetmegen balanıñ anasını — 15 yılğa mahküm etti. İşğalli tahqiqat qadınnı "Ateş" partizan areketinen işbirlikte qabaatladı. Oña "Rusiyeniñ silâ sıñırlav sistemasınıñ yerleri ve yaqıt terkibi aqqında malümat berüv"de qabaatlandı. Qabaatlav isbatları açıq şekilde aydınlatılmadı, ve imayecisi defalarca basqı ve protsedura bozuluvı aqqında bildirdi.
2026 senesi çiçek ayında Soçideki Üçünci istinaf mahkemesi Ersmambetovanıñ "mahkeme" qararına şikâyetini red etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
