İlk yaz ayınıñ 21-nden başlap, işğalli Qırım memuriyetiniñ operativ ştabı Ukrayina mudafaa quvetleriniñ yarımadağa ücümleri ola bilecegi sebebinden, bütün kün çalışacaq.
"Ateş" arbiy-partizan areketi, işğalli akimiyetniñ qurulışlarında çalışqan agentlerge atıf etip, bunı bildirdi.
Areketniñ malümatına köre, böyle qarar Ukrayina Mudafaa quvetleriniñ yarımadada bulunğan arbiy obyektlerge bu aftanıñ soñunda ücüm ete bilecekleri beklenilgeni sebebinden alındı.
"Ateş", işğalli memuriyetniñ havfsızlıq vaziyetinen ciddiy qasevetlengenini ve ayrı ştablar ve arbiy qurulışlar köçürmek içün tedbirler alğanını iddia ete.
Partizanlar şunı da qayd eteler ki, işğalli ştab, RF Mudafaa nazirligi, İçki işler nazirligi, FSB, FVN ve işğalli memuriyetniñ diger quvet qurulışlarınıñ vekillerinden ibaret olğan topraq mudafaasınıñ idarelerara koordinatsiya organı ola.
Hatırlatamız ki, Ukrayina mudafaa naziri Mıhaylo Fedorov PRESSING YouTube kanalında jurnalist, bloger Serğiy Peyçevnen intervyuda bildirdi ki, ukrayin dronları işğal etilgen Qırımnı izolâtsiya ete, onıñ içün eñ yaqın kelecekte yarımada adağa çevirilecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
