Vaqtınca işğal etilgen Qırımda mototsikl areketi sıñırlav qaideleri deñiştirildi: yasaq tek gece saatlerinde çalışacaq — saat 22:00-dan saat 06:00-ğa qadar.
İlk yaz ayınıñ 17-nde Rusiye kontrolindeki Qırım "başı" Sergey Aksönov bunı bildirdi.
Bu, yarımadada mototsikl areketiniñ vaqtınca sıñırlanmasına dair evelki emirge deñişmeler kirsetilmesidir. O, vesiqanıñ ne içün deñiştirilgnini añlatmadı.
Hatırlatamız ki, işğal etilgen Qırımda ilk yaz ayınıñ 17-nden başlap mototsikl, mopedler, kvadratsikl ve diger mototsikl tehnikasınıñ areketi sıñırlanacaq. Saat 20:00-dan saat 06:00-ğa qadar.
İlk yaz ayınıñ 10-nda işğal etilgen Qırımda gece yolcu trenleriniñ areketi yasaq etildi. Rusiyeden kelgen bütün gece trenleri Keriçte yolunı bitecek, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve diger şeerlerge yolcular avtobuslarnen ketirilecek. Böylece, işğal etilgen Qırımda saat 23:00-ten 05:00-ke qadar yolcu demir yol alâqası toqtatıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
