İlk yaz ayınıñ 15-nde Avropa Birligi Şurası, Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ Rusiye tarafından qanunsız işğaline cevap olaraq kirsetilgen sanktsiyalarnı uzattı. Olar 2027 senesi ilk yaz ayınıñ 23-üne qadar çalışacaq.
Hususan Avropa Birligi Şurasınıñ saytında bu aqqında aytıla.
"Avropa Birligi Rusiye Federatsiyasınıñ Qırım ve Sevastopol (Aqyar — terciman) şeeriniñ qanunsız ilhaqını halqara uquqnıñ bozuluvı olaraq tanımay ve takbih etmege devam ete", — dep AB Şurası qayd etti.
Hatırlatamız ki, ilk yaz ayınıñ 15-nde Avropa Birligi Rusiyege qarşı arbiy-sanayı kompleksi, kölge flotu ve Moskvanıñ Avropadaki gibrid ücümlerine qol tutqan ağlarına qarşı yañı sanktsiyalar paketini qabul etti, dep AB diplomatiyasınıñ başı Kaya Kallas bildirdi.
Yañı sıñırlavlar Rusiye arbiy-sanayı kompleksi, Rusiyeniñ energetik kelirleri, kölge flotu, gibrid tesir ağları, teşviqatçılar ve insan aqlarınıñ bozuluvında iştirak etken şahıslarğa qarşı yapıldı.
Bundan evel Ukrayina Rusiye mahkemecileri ve teşviqatçılarına qarşı sanktsiyalar kirsetti. Cedvelge 29 fizikiy ve 17 uquqiy şahıs kirsetildi, olarnıñ arasında 12 Qırım "mahkemecisi" bar. Olarnıñ bazılarına Ukrayinada devlet hainligi ve diger cinayetler içün şübhe bildirildi ya da mahküm etildi.
İşğal etilgen yarımadada Rusiye teşviqatınıñ tarqatıluvınen bağlı olğan işğalli teşkilâtlar da sanktsiyalarğa oğradı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
